Цагдаагийн ерөнхий газраас жил бүр уламжлал болгон зохион байгуулдаг Цагдаа, дотоодын цэргийн байгууллагын удирдах ажилтны зөвлөгөөн өнөөдөр /2019-01-23/ сагсан бөмбөгийн нөхөрсөг тэмцээнээр эхэллээ. Зөвлөгөөн 24, 25 нд Мөрдөн байцаах албаны хурлын танхимд сургалтаар үргэлжилнэ.

Цагдаагийн ерөнхий газрын “ Хүч” спорт хорооны заланд болсон Сагсан бөмбөгийн тэмцээний нээлтийн үйл ажиллагаанд Цагдаагийн ерөнхий газрын дэд дарга, цагдаагийн хурандаа З.Дашдаваа, Цагдаагийн ерөнхий газрын дэд бөгөөд Нийслэлийн цагдаагийн газрын дарга,  цагдаагийн хурандаа Д.Ядамдорж, Цагдаагийн ерөнхий газрын Захиргааны удирдлагын газрын дарга, цагдаагийн хурандаа Б.Бат-Өлзий зэрэг Цагдаагийн ерөнхий газрын зөвлөлийн гишүүдийн төлөөлөл болон алба хаагчид оролцож байна.

Тэмцээнд нийтдээ 12 багийн 140 гаруй удирдах албан тушаалтнууд оролцож, Хангайн бүс, Төвийн бүс, Баруун бүс гэж хуваагдан өрсөлдөн энэ өдөр өндөрлөх юм.