Цагдаагийн ерөнхий газрын Хяналт шалгалт, үнэлгээ, дотоод аудитын хэлтсээс 2018 оны эхний хагас жилийн байдлаар зарим байгууллагуудын санхүүгийн үйл ажиллагаанд шалгалт явуулж, алба хаагчдад мэргэжил арга зүйн зөвлөмж өгч, илэрсэн алдаа, зөрчил, дутагдлыг арилгуулах ажлыг зохион байгууллаа.

- Цагдаагийн ерөнхий газрын “Хүч” спортын хорооны санхүүгийн үйл ажиллагаанд төлөвлөгөөт шалгалт явуулж, дүнг Цагдаагийн ерөнхий газрын даргад танилцуулан,  шалгалтын мөрөөр зохион байгуулах ажлын чиглэлээр 3 сарын хугацаатай үүрэг, зөвлөмж хүргүүлсэн. Мөн өгсөн үүрэг, зөвлөмжийн биелэлтэд гүйцэтгэлийн шалгалт явуулж 88.2 хувиар үнэлсэн.

- Төв, орон нутгийн цагдаа, дотоодын цэргийн анги, байгууллагуудын Нийгмийн даатгалын шимтгэл төлөлтийн тайланд явуулсан шалгалтын дүнг Цагдаагийн ерөнхий газрын даргад танилцуулж, шалгалтын мөрөөр зохион байгуулах ажлын талаар үүрэг, ажлын чиглэлийг нэгжүүдэд хүргүүлж, 2018 оны 04 дүгээр сарын 01-ний өдрийн байдлаар биелэлтийг нэгжүүдээс хүлээн авч, хяналт-шинжилгээ, үнэлгээ хийхэд үүргийн биелэлт 91.93 хувьтай хэрэгжсэн байна.

- Цаг үеийн нөхцөл байдалтай уялдуулан цагдаагийн байгууллагаас хэрэгжүүлэх ажлын төлөвлөгөөний 1.6 дахь заалтыг хангах зорилгоор цагдаагийн байгууллагын хэмжээнд алба хаагчдын нийгмийн асуудлыг шийдвэрлэх зорилгоор барьж буй орон сууцны судалгааг гарган гүйцэтгэлийн явц, санхүүжилтийн байдалд шалгалт явуулж, дүнг Цагдаагийн ерөнхий газрын даргад танилцуулж, төв, орон нутгийн цагдаа, дотоодын цэргийн анги байгууллагуудад цаашид анхаарах асуудлаар  7 заалт бүхий зөвлөмж хүргүүлээд байна.

- Дорнод аймаг дахь цагдаагийн газрын санхүүгийн үйл ажиллагаанд шалгалт явуулж, дүнг Цагдаагийн ерөнхий газрын даргад танилцуулан, шалгалтын мөрөөр зохион байгуулах ажлын талаар үүрэг, ажлын чиглэлийг Санхүү, аж ахуйн алба, Нийтийн хэв журам хамгаалах, олон нийтийн аюулгүй байдлыг хангах алба болон тус аймаг дахь цагдаагийн газарт хүргүүлсэн. Үүрэг, зөвлөмжийн биелэлтийг 2018 оны 08 дугаар сард тооцохоор төлөвлөгдөөд байна.

- Цагдаагийн ерөнхий газрын 2018 оны төлөвлөгөөт болон гүйцэтгэлийн шалгалтын төлөвлөгөөний 1.9 дэх заалтын хэрэгжилтийг хангах зорилгоор Дорноговь аймаг дахь цагдаагийн газрын санхүүгийн үйл ажиллагаанд төлөвлөгөөт хяналт  шалгалтын ажил явагдаж байна.