“Марш тактик-2017” тэмцээн ард иргэдийнхээ амгалан тайван байдлын төлөө үүрэг гүйцэтгэдэг цагдаагийн алба хаагчийн албаны бэлэн байдал, авхаалж самбаа, хурд хүч, эр зориг, хэцүү бэрхийг осол гэмтэлгүй хурдан, шуурхай даван туулах арга ухаан, баг хамт олны эв нэгдлийг шалгуур байлаа. Алба хаагчид гараанаас бариа хүртэлх 8.5 км замд иж бүрэн агсамж, буу, хорт утаанаас хамгаалах баг зэрэг 10.5 кг ачаа үүрч, долоон цэгийг дамжин 27 төрлийн даалгавар гүйцэтгэсэн.

19 дэх жилдээ зохион байгуулагдаж буй марш тактикийн тэмцээнд Мөрдөн байцаах алба, Эрүүгийн цагдаагийн алба, Хэрэг бүртгэх алба, Нийтийн хэв журам хамгаалах газар, ОНАБХГ-ын Хамгаалалтын хоёр, гуравдугаар газар, Замын цагдаагийн алба, Нийслэлийн Цагдаагийн газрын нэг, хоёрдугаар салаа, ЦЕГ-ын Авто бааз, Төмөр зам дахь Цагдаагийн газар, Иргэний агаарын тээврийн цагдаагийн хэлтсийн хамтарсан баг буюу нийт 11 газар, хэлтсийн алба хаагчид өрсөлдсөн юм.