ЦАГДААГИЙН АЛБА ХААГЧИД "БҮТЭН ӨНЧИН ХҮҮХДИЙН ХӨГЖИЛ САН"-ИЙН УРИАЛГЫГ ДЭМЖЛЭЭ.

"Бүтэн өнчин хүүхдийн хөгжил сан" гаас санаачлан шинэ жилийн баярыг тохиолдуулан 226 бүтэн өнчин хүүхдүүдийг баярлуулах сайн үйлсийн аян зохион байгуулан, сан бүрдүүлж, хандив цуглуулах уриалга гарган төрийн болон төрийн бус байгууллагуудад хүргүүлжээ.
Цагдаагийн Ерөнхий газраас энэхүү үйл ажиллагааг дэмжиж, төв орон төв орон нутгийн цагдаагийн нийт 58 байгууллагаас 7.426.500 төгрөгийг "Бүтэн өнчин хүүхдийн хөгжил сан"-д хандивлаж, "БАТЛАМЖ"-ийг Цагдаагийн Ерөнхий газрын дэд дарга, дэд комиссар М.Лувсандорж болон бусад алба хэлтсийн дарга удирдлагууд, алба хаагчдын төлөөлөл гардуулан өглөө.
Энэ үйл ажиллагааны хүрээнд Булган аймаг дахь цагдаагийн газраас 116,000 төгрөгийн хандив цуглуулан аймагтаа амьдарч байгаа бүтэн өнчин 6 хүүхдүүдэд тус бүр 15.000 төгрөгийн "ХААН БАНК"-д хадгаламжийн данс нээн өгч, гарын бэлгийн хамт гардуулан өгчээ.
Говь-алтай аймаг дахь цагдаагийн газраас аймгийн хүүхдийн нэгдсэн зөвлөлөөс зохион байгуулсан "Баярлалаа" аянд нэгдэж, хөгжлийн бэрхшээлтэй хүүхдүүдэд 150.0 төгрөгийг цуглуулан хандивлажээ. Дундговь аймаг дахь цагдаагийн газраас аймгийн төвд оршин суудаг 18 бүтэн өнчин хүүхдүүдэд тус бүр 10.000 төгрөгийн үнэ бүхий гарын бэлэг гардуулж өгсөн байна.
Замын цагдаагийн албанаас 539.000 төгрөгийн хандив цуглуулан "Жэй Си Деко" ХХКтай хамтран хүүхдүүдэд тус бүр 10.000 төгрөгийн үнэтэй бэлэг гардуулжээ.
Буяны үйлсэд нэгдсэн бүх цагдаагийн алба хаагч нартаа ажлын амжилт хүсье