Монгол Улсад архивын салбар үүсэж хөгжсөний 89 жилийн ой, Архивчдын өдөр өнөөдөр боллоо. Энэ өдөр цагдаагийн байгууллагын архив, албан хэрэг хөтлөлтийг хөгжүүлэх, боловсронгуй болгох үйлсэд хичээл зүтгэл гарган ажиллаж буй алба хаагчдад шагнал гардууллаа. Энэхүү үйл ажиллагаанд Цагдаагийн Ерөнхий газрын Төв архивын газрын дарга бригадын генерал Т.Хүрэлбаатар болон төв орон нутгийн алба хаагчдын төлөөлөл оролцсон юм.

Орхон аймаг дахь цагдаагийн газрын архив, бичиг хэргийн эрхлэгч, бичээч Ц.Гантөмөр “Он цагийн түүхийн гэрч” шагнал хүртлээ. Төмөр зам дахь цагдаагийн газрын архив, бичиг хэргийн эрхлэгч, цагдаагийн ахлах ахлагч, С.Гангамөрөн, Завхан аймаг дахь Цагдаагийн газрын архив, бичиг хэргийн эрхлэгч Ч.Цолмон нарыг “Тэргүүний архивч” тэмдгээр шагнав.  Архивын ерөнхий газрын “Хүндэт өргөмжлөл” Хан-уул дүүрэг дэх цагдаагийн нэгдүгээр хэлтсийн, бичиг хэргийн эрхлэгч, архивч, цагдаагийн ахлах ахлагч Б.Эрдэнэцэцэг нарын хоёр алба хаагч, Архивын ерөнхий газрын өргөмжлөлөөр Багануур дүүрэг дэх цагдаагийн хэлтсийн архив, бичиг хэргийн эрхлэгч, цагдаагийн ахлагч С.Наранцэцэг нарын таван алба хаагчийг шагнасан юм. Харин НДЕГ-ын шагналыг ОНАБХА-ны Хамгаалалтын 1-р газрын бичиг хэргийн эрхлэгч, цагдаагийн ахлах ахлагч Н.Отгонпүрэв, Өмнөговь аймаг дахь Цагдаагийн газрын архив, бичиг хэргийн эрхлэгч, цагдаагийн ахлагч А.Ганцацрал нарт хүртээлээ.

Мөн энэ үеэр “Чадварлаг архивч” тэмцээнд тэргүүн байр эзэлсэн Төв архивын газрын гэрээт оператор Б.Энхтуяа, дэд байрт шалгарсан түүх судлалын секторын бичээч Б.Жавзан, гутгаар байр эзэлсэн архивч, цагдаагийн ахлагч А.Оюунтүлхүүр нарт шагналыг гардуулсан юм.