“ГЭР БҮЛИЙН ХҮЧИРХИЙЛЭЛТЭЙ ТЭМЦЭХЭД САЛБАРУУДЫН ОРОЛЦОО”  СЭДЭВТ ЗӨВЛӨГӨӨН АМЖИЛТТАЙ ЗОХИОН ЯВУУЛЛАА.

Тус Цагдаагийн газраас санаачлан аймгийн Хүүхэд гэр бүлийн хөгжлийн хэлтэс, аймгийн Гэмт хэргээс урьдчилан сэргийлэх ажлыг зохицуулах зөвлөл, хууль зүйн хэлтэстэй хамтран гэр бүлийн хүчирхийлэлд өртөж буй иргэдийн хамгаалагдах хэрэгцээг судалж, хүүхэд, эмэгтэйчүүдийн хамгааллын үйлчилгээг боловсронгүй болгох арга замыг тодорхойлох зорилгоор “Гэр бүлийн хүчирхийлэлтэй тэмцэхэд салбаруудын оролцоо”  сэдэвт зөвлөгөөнийг 2016 оны 03 дугаар сарын 09-ний өдөр Өвөрхангай аймгийн Арвайхээр суманд зохион байгуулав.

Зөвлөгөөнд Аймгийн шүүх, прокурорын газар, Цагдаагийн газрын хэсгийн төлөөлөгч, хэсгийн байцаагч, багийн цагдаа нар, Хүүхэд гэр бүлийн хөгжлийн хэлтэс, сумдын хүүхдийн эрхийн ажилтнууд, Аймгийн Боловсрол Соёлын газар, Ерөнхий боловсролын сургуулиуд, Аймгийн эрүүл мэндийн газар, Аймгийн хууль зүйн хэлтэс, Аймгийн өмгөөлөгчдийн зөвлөл, Дэлхийн зөн ОУБ, багийн засаг дарга, нийгмийн ажилтнууд зэрэг төрийн болон төрийн бус байгууллагууд оролцож, 3 илтгэл, 1 мэдээлэл хэлэлцүүлж, онолын болон практик үйл ажиллагааны талаар олон чухал асуудал дэвшүүлсэн байна.