Дорнод аймаг дахь “Цэргийн гавъяаны одонт” цагдаагийн газар нь 2015 оны үйл ажиллагааны тайлангаа иргэдэд тайлагнах арга хэмжээг зохион байгууллаа.

Уг үйл ажиллагаанд Цагдаагийн газрын дэд дарга, тасаг албадын дарга, хэсгийн байцаагч нар оролцож, урилгаар Аймгийн ЗДТГ-ын ХЗХэлтсийн дарга Б.Алтансүх, Чойбалсан хотын тамгын газрын дарга н.Ганзориг, Цагдаагийн газрын Ахмадын хорооны дарга, цагдаагийн бэлтгэл хошууч Х.Болдбаатар нар оролцож, иргэдийн сонирхсон асуулт, санал, хүсэлтэд хариулт өглөө.

Арга хэмжээний үеэр гэмт хэрэг, эрх зүйн зөрчилтэй тэмцэх ажилд цагдаагийн байгууллагатай хамтран, үр бүтээлтэй ажиллаж буй 10 дугаар багийн иргэн Н.Хоролсүрэн, “Flower” сургуулийн захирал Б.Байгалмаа, 10 дугаар багийн засаг дарга Т.Оюундэлгэр, Дорнод бүсийн эрчим хүчний станцийн гүйцэтгэх захирал Ч.Чинбат нарыг Цагдаагийн газрын даргын “Баярын бичиг”, мөнгөн шагналаар шагнаж урамшууллаа.

Мөн “Өршөөл үзүүлэх тухай” хуульд хамрагдан суллагдсан иргэдээс үлгэр жишээ байгаа иргэд болох П.Сүхбаатар, Б.Гантулга, Б.Хандармаа, Г.Шинэболд, А.Буджав, Б.Наранбаатар, Н.Оюунбаатар нарт “Итгэл найдварын хуудас”-ыг гардууллаа.