Хэнтий аймгийн цагдаагийн газрын удирдлагаас аймгийн Иргэдийн Төлөөлөгчдийн Хурлын дэргэдэх Иргэний зөвлөлд аймгийн Засаг даргын захирамжаар мал хулгайлах, байгаль орчны журмын эсрэг гэмт хэрэгтэй тэмцэх, урьдчилан сэргийлэх зорилгоор зохион байгуулагдаж байгаа “Хяналт шийдвэрлэлт-2015” нэгдсэн арга хэмжээний явц байдал, үр дүнгийн танилцуулгыг хийлээ.

Энэ ажлын хүрээнд Иргэний зөвлөлийн гишүүд мал хулгайлах гэмт хэрэг ихээр үйлдэгддэг сумдын нутаг дэвсгэрт ажиллаж байгаа байнгын постуудын үйл ажиллагаатай танилцан зөвлөмж өгч, сум орон нутгийн постын үйл ажиллагааг дэмжиж, хариуцлагатай ажиллах талаар зарим сумдын Засаг дарга нарт албан бичиг хүргүүлсэн байна.

Мөн аймгийн Иргэний зөвлөлөөс орон нутгийн сумдад ажиллаж байгаа Иргэний зөвлөлүүдийн үйл ажиллагааны тайланг авч нэгтгэн дүгнэх ажлыг эхлүүллээ гэж ХЭНТИЙ АЙМАГ ДАХЬ ЦАГДААГИЙН ГАЗАР-аас мэдээллээ