МӨРДӨН БАЙЦААХ ГАЗРААС МЭДЭЭЛЖ БАЙНА.

Мөрдөн байцаах газрын дарга, цагдаагийн дэд хурандаа Д.Наранбаатар болон тус газрын мэргэжлийн хэлтсийн дарга нар Улаанбаатар хотын дүүргүүдийн цагдаагийн хэлтсийн Мөрдөн байцаах тасгийн даргаар томилогдсон алба хаагч нарт албаны хэмжээнд цаашид авч хэрэгжүүлэх бодлого, цаг үеийн нөхцөл байдлын талаар товч мэдээлэл хийлээ.

Энэхүү үйл ажиллагаанд Улсын мөрдөн байцаах газрын даргаар ажиллаж байсан цагдаагийн бэлтгэл хурандаа Ц.Алтангэрэл, ЦЕГ-ын ХШҮДАХ-ийн дарга, цагдаагийн дэд хурандаа Н.Батзогсох, Судалгааны төвийн дарга, цагдаагийн хурандаа Б.Эрдэнэбилэг нарыг урьж оролцуулан албаны үүсэл, хөгжил, хяналт шалгалт хийх аргачлал, шинээр батлагдан гарах гэж буй Эрүүгийн хэрэг хянан шийдвэрлэх тухай Монгол улсын хуулийн үзэл баримтлал, шинэчлэлийн талаар ярилцлага, сургалт зохион байгуулсан нь үр дүнтэй болсон юм.