Нэгдсэн Үндэстний Байгууллагын Цөлжилттэй тэмцэх тухай конвенцын Талуудын 17 дугаар бага хурал /COP17/ Монгол Улсад энэ оны наймдугаар сарын 17-28-ны өдрүүдэд зохион байгуулагдаж байна.

Энэхүү олон улсын арга хэмжээнд 197 орны 10 мянга гаруй зочин, төлөөлөгч оролцож байгаа бөгөөд тэдний аюулгүй байдлыг хангах, нийтийн хэв журам сахиулах, замын хөдөлгөөний аюулгүй байдлыг хангах, хүүхдийн аюулгүй байдлыг хангах, болзошгүй эрсдэлээс урьдчилан сэргийлэх чиглэлээр цагдаагийн байгууллагаас 3142 алба хаагч үүрэг гүйцэтгэж байна.

Тодруулбал, нийтийн хэв журам хамгаалах, олон нийтийн аюулгүй байдлыг хангах чиглэлээр морьт эргүүл, машинт эргүүл, явган эргүүл, замын хөдөлгөөний аюулгүй байдлыг хангах, зохицуулах, хуралдааны үеийн хамгаалалтад бие бүрэлдэхүүн, олон нийтийн цагдаа, оюутан цагдаа нар үүрэг гүйцэтгэж байна.

Мөн зочид, төлөөлөгчдийн байрлаж буй 40 зочид буудалд 24 цагийн болон томилгоот цагийн хуваариар хамгаалалт, аюулгүй байдлыг ханган ажиллаж байна.