Урьдчилан сэргийлэх албаны энэ оны эхний хагас жилийн сахилга, ёс зүйн зөвлөгөөн, тайлангийн хурал өнөөдөр /2026.07.08/ зохион байгуулагдлаа.

Арга хэмжээнд Урьдчилан сэргийлэх албаны дарга, цагдаагийн дэд хурандаа А.Амарбат болон даргын зөвлөлийн гишүүд, алба хаагчид оролцлоо.

Тус алба нь энэ оны эхний хагас жилд гэмт хэрэг, зөрчлөөс урьдчилан сэргийлэх ажлыг судалгаа, дүн шинжилгээнд суурилсан бодлогоор зохион байгуулах, нийгмийн хэрэгцээ шаардлагад нийцсэн үйл ажиллагаа явуулах, тодорхой төрлийн гэмт хэрэг, зөрчил болон гэр бүлийн хүчирхийлэл, хүүхдийн эсрэг үйлдэгдэх гэмт хэрэг, зөрчлөөс урьдчилан сэргийлэх, хүүхдийн эрх, хамгааллын хууль тогтоомжийн хэрэгжилтийг хангах, байгууллагын үйл ажиллагааг сурталчлах, алба хаагч, ажилтныг соён гэгээрүүлэх зэрэг чиг үүргээ ажилттай хэрэгжүүлэн ажиллав.

Мөн Тулгар төрийн 2235, Их Монгол Улс байгуулагдсаны 820, Ардын хувьсгалын 105, Цагдаагийн байгууллагын 105, Дотоодын цэргийн 104 жилийн ой, Үндэсний их баяр наадмыг тохиолдуулан хуулиар хүлээсэн үүргээ амжилттай хэрэгжүүлж, идэвх зүтгэл, үр бүтээл гарган ажилласан алба хаагчдад цол, шагнал гардуулсан юм.

Тус албанаас “Хууль зүйн тэргүүний ажилтан”-1, “Хүндэт жуух бичиг”-5, Соёл, спорт, аялал жуулчлал залуучуудын яамны “Жуух бичиг”-1 алба хаагч, “Цагдаагийн гавьяа” тэмдэг-2, “Албаны төлөө-II” тэмдгээр 4, “Албаны төлөө III” тэмдгээр 4, нийт 26 алба хаагч төрийн болон салбарын шагналаар шагнагдаж, 32 алба хаагчид цол олгогдлоо.

Цол, шагнал хүртсэн алба хаагч нартаа баяр хүргэж, цаашдын ажилд нь амжилтын дээдийг хүсэн ерөөе.