Дотоод хэргийн их сургуулийн Цагдаагийн сургуулийг 2026 онд "Цагдаа судлал", "Аюулгүй байдал – Дотоодын цэрэг" мэргэжлээр төгссөн нийт 178 алба хаагчийг Цагдаа, дотоодын цэргийн байгууллагад томилох тухай нэгдсэн арга хэмжээг өнөөдөр /2026.06.27/ зохион байгууллаа.

Нийт төгссөн 178 алба хаагчдаас нийслэлд 116, орон нутагт 62 алба хаагч тус тус томилогдлоо.

Сургалтыг чиглэл тус бүрээр харьяа анги, байгууллагуудад үргэлжлүүлэн зохион байгуулж, шинээр томилогдсон алба хаагчдыг албан үүргээ үр дүнтэй хэрэгжүүлэхэд шаардлагатай мэдлэг, ур чадварыг эзэмшүүлэх, байгууллагын соёл, үнэт зүйлсийг төлөвшүүлэхэд чиглэсэн албаны ёс зүй, сахилга, хууль тогтоомжийн хэрэгжилт, мэргэжлийн ур чадвар, албан үүргээ хэрэгжүүлэхэд баримтлах зарчим, шаардлагын талаар мэдээлэл, зөвлөгөө өгч, чиг баримжаа олгох сургалтын арга хэмжээг хэрэгжүүлж байна.

Ажлын анхны гараагаа эхлүүлэх гэж буй шинээр томилогдсон алба хаагчдад баяр хүргэж, амжилт хүсье.