Экологийн цагдаагийн албанаас 2026 оны эхний таван сарын хугацаанд 8 аймгийн 13 суманд 14 удаагийн хяналт шалгалт зохион байгуулж, хүрээлэн байгаа орчны эсрэг гэмт хэргийн шинжтэй 63 үйлдлийг илрүүлжээ.

Үүнээс хууль бусаар ашигт малтмал олборлох 16, хууль бусаар мод бэлтгэх 27, хууль бусаар ан агнах 2, химийн хорт болон аюултай бодисыг хууль бус эргэлтэд оруулах 3, нийт 48 гэмт хэргийн шинжтэй үйлдлийг илрүүлэн шалгаж байна.

Шалгалтын явцад 9 кг 930 грамм мөнгөн ус, 107 грамм алт, алтны агууламжтай чулуу, модон материал, гуалин, тээврийн хэрэгсэл, техник тоног төхөөрөмж болон ховор, нэн ховор амьтны эд эрхтнийг хураан авч, битүүмжилжээ.

Улсын хэмжээнд хүрээлэн байгаа орчны эсрэг гэмт хэрэг 2026 оны эхний таван сард 301 бүртгэгдсэн нь өмнөх оны мөн үеэс 49.8 хувиар өссөн байна.

Дэлгэрэнгүй мэдээлэл: Цагдаагийн ерөнхий газрын Захиргааны удирдлагын газрын Төлөвлөлт, зохион байгуулалтын хэлтсийн ахлах мэргэжилтэн, цагдаагийн ахмад Э.Сэргэлэн, Хаяг, утасны дугаар: Чингэлтэй дүүрэг 4 дүгээр хороо, Самбуугийн гудамж 18, Цагдаагийн ерөнхий газар, Утас: 70191022