БНӨСУ-д явагдаж байгаа НҮБ-ын Энхийг дэмжих ажиллагааны цэргийн бүрэлдэхүүнд цагдаагийн байгууллагын зарим алба хаагчид үүрэг гүйцэтгэж байгаа билээ. Цагдаагийн байгууллагын алба хаагчид нь БНӨСУ-ын Юнити мужид НҮБ-ын мандатын дагуу нутгийн иргэд болон орон гэрээсээ дайжсан хүмүүс, НҮБ-ын ажилтан, албан хаагчдын аюулгүй байдлыг хангах талаар даалгасан үүргийг амжилттай гүйцэтгэж, эх орон, байгууллага, хамт олныхоо  итгэл найдварыг биелүүлж, бусад орны цэргийн алба хаагчдад  үлгэр дуурайлал үзүүлж байна.

Мөн Цэргийн багаас зохион байгуулж байгаа соёл хүмүүжил, урлаг спортын  уралдаан, тэмцээнд идэвхитэй оролцон амжилт гаргаж байгаа талаар Зэвсэгт хүчний 4-р мото буудлагын батальоны захирагчаас  талархалын захидал бидэнд илгээжээ.

Цэргийн багаас зохион байгуулсан "South Sudan Mister-2014" тэмцээнд Сонгинохайрхан дүүргийн  цагдаагийн гуравдугаар хэлтсийн хэсгийн байцаагч, цагдаагий ахмад Т.Ганболд 80 кг-ийн жиндээ түрүүлэн "Шилдгийн шилдэг тамирчин"-аар шалгарч, шилжин явах цом, алтан медаль, 4-р мотобуудлагын батальоноос зохион байгуулсан сагсан бөмбөгийн  тэмцээнд Завхан аймгийн  цагдаагийн газрын Саатуулах байрны цагдаа, цагдаагийн ахлах ахлагч Б.Анхболд ахлагчтай баг 2-р байранд шалгарч, мөнгөн  медалиар тус тус шагнагджээ.

НҮБ-ын энхийг дэмжих үйл ажиллагаанд оролцож байгаа нийт алба хаагч нартаа ажлын амжилт хүсье