Автомашин, орон сууц, их хэмжээний мөнгөн хонжвор амласан цахим сугалаанд оролцохдоо онцгой анхаараарай.

Цагдаагийн байгууллагаас зохион байгуулсан хяналт, шалгалтаар зарим этгээдүүд:

• Нэг автомашины обуд, гупер, нүүр зэрэг эд ангийг сольж олон удаа өөр өөр сугалаанд оруулсан;

• Урьд нь явуулсан лайв бичлэгүүдээ устгаж, иргэдэд худал мэдээлэл түгээсэн;

• Хамаарал бүхий хүмүүст мөнгө санал болгож, азтан болсон мэт зураг, бичлэг нийтэлсэн;

• Азтан тодруулах үйл ажиллагааг урьдчилан төлөвлөж, үр дүнг зохиомлоор өөрчилсөн;

• Хамаарал бүхий этгээдийн орон сууц, автомашиныг зах зээлийн үнээс өндөр үнээр борлуулах зорилгоор хонжворт оруулсан байж болзошгүй нөхцөлүүд тогтоогдсон байна.

Иймд иргэд та бүхэн:

- Хонжворт сугалаа зохион байгуулж буй этгээд, аж ахуйн нэгжийн мэдээллийг нягтлах;

- Өмнөх азтанууд бодит эсэхийг шалгах;

- Зөвхөн лайв бичлэг, сэтгэгдэл, зурагт үндэслэн мөнгө шилжүүлэхгүй байх;

- Хэт өндөр үнэтэй хонжвор амласан сугалаанд болгоомжтой хандах;

- Сэжигтэй тохиолдолд цагдаагийн байгууллагад мэдээлэхийг зөвлөж байна.