Цагдаагийн ерөнхий газрын дарга, Дотоодын цэргийн командлагчийн баталсан “Цагдаагийн ерөнхий газрын зөвлөлийн гишүүд цагдаа, дотоодын цэргийн анги, байгууллагад ажиллах хуваарь”-ийн дагуу Цагдаагийн ерөнхий газрын Урьдчилан сэргийлэх албаны дарга, цагдаагийн хурандаа Г.Арсланхуяг өнөөдөр /2025.04.10/ Дундговь аймгийн цагдаагийн газрын алба хаагчидтай уулзлаа.

Энэхүү уулзалтаар цагдаа, дотоодын цэргийн анги, байгууллагын 2025 оны зорилт, бүтэц, зохион байгуулалт, авч хэрэгжүүлж буй болон цаашид хэрэгжүүлэхээр төлөвлөж буй бодлого, үйл ажиллагааны чиглэл, арга хэмжээний талаар танилцуулж, санал, хүсэлтийг нь сонссон юм.

Мөн энэ үеэр аймгийн Засаг даргатай уулзаж “Ногоон бүс-4” төслийн талаар танилцуулж, санал солилцов.