Ховд аймгийн цагдаагийн газраас Ховд аймгийн Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран Төрийн байгууллагад үйлдэгдэж байгаа гэмт хэрэг, зөрчлийн шалтгаан нөхцөлийг арилгах, төрийн албан хаагчдыг гэмт хэрэгт холбогдох, өртөхөөс урьдчилан сэргийлэх зорилгоор "Төрийн байгууллагын ажилтнуудыг чадавхжуулах сургалт"-ыг зохион байгуулав. 

Сургалтаар Аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Ховд аймаг дахь Сум дундын анхан шатны шүүх, МУИС-ийн баруун бүсийн сургууль зэрэг байгууллагуудын холбогдох удирдлага, албан хаагчид мэдээлэл хийлээ.

Тус сургалтад төрийн байгууллагын 70 гаруй албан хаагч оролцож, сургалтын төгсгөлд "Гэрчилгээ" гардуулах ажиллагаа болсон юм.