Хууль зүй, дотоод хэргийн яамны харьяа агентлаг, байгууллагуудын албан хаагчдын халдварт бус өвчний эрсдэлийг тодорхойлох, халдварт бус өвчин болон хавдрыг эрт оношлох, үүнээс шалтгаалсан амьдралын чадвар бууралтаас сэргийлэх, хүндрэл, нас баралтыг бууруулах, мөн албан хаагчдын эрүүл мэндийн талаарх нэгдсэн судалгаатай болох зорилгоор томилогдсон ажлын хэсгийнхэн энэ оны 11 дүгээр сарын 15-17-ны өдрүүдэд Өвөрхангай аймгийн Арвайхээр суманд ажиллалаа.

Урьдчилан сэргийлэх үзлэг, оношилгоонд Өвөрхангай аймгийн Цагдаагийн газрын 92 албан хаагч, 9 ар гэрийн гишүүд, нийт 101 хүн хамрагдав.

Мэдрэл, дотор, мэс заслын эмчийн үзлэг 101 хүнд, хэвлийн хөндийн хэт авиан оношилгоо 104 хүнд, зүрхний цахилгаан бичлэг 99 хүнд , элэгний В, С вирус, тэмбүү, ДОХ-ын түргэвчилсэн сорил болон цусанд сахар үзэх шинжилгээг 97 хүнд, биеийн найрлага тодорхойлох шинжилгээ 97  хүнд тус тус хийж, зөвлөгөө өгсөн.

Мөн тархинд цус харвах өвчин, чихрийн шижин өвчин, уушгины сүрьеэ өвчин, зүрх судасны өвчний эрсдэлийг тодорхойллоо.