Дорноговь аймгийн Эрүү, иргэний хэргийн давж заалдах шатны шүүхийн санаачлагчаар тус аймгийн прокурор, мөрдөгч нар шүүн таслах ажиллагаанд Эрүүгийн хэрэг хянан шийдвэрлэх тухай хуулийг зөрүүтэй хэрэглэж буй байдлыг арилгах зорилгоор энэ оны 12 дугаар сарын 05-ны өдөр хэлэлцүүлгийг  зохион байгууллаа.

Хэлэлцүүлэгт аймгийн цагдаагийн газрын дарга, мөрдөн байцаах тасгийн дарга мөрдөгч нар, эрүүгийн цагдаагийн тасгийн ахлах мөрдөгч нар болон анхан болон давж заалдах шатны шүүхийн шүүгч нар, аймгийн прокурорын газрын ерөнхий прокурор, хяналтын прокурор нарын хамт оролцов.

Энэ удаагийн хэлэлцүүлгээр сэтгэцэд учирсан хохирлыг хэрхэн шийдвэрлэж нотлох баримтыг цуглуулах, авто тээврийн хэрэгслийн хөдөлгөөний аюулгүй байдал ашиглалтын журам зөрчих хэрэгт мөрдөгчийн магадалга болон хэргийн газрын үзлэг болон схем зургийг бэхжүүлэхэд мөрдөгч нарын гаргаж буй гол алдааг нэг мөрийн ойлголтод хүрч ажиллах талаар харилцан ярилцан ажиллалаа.