Монгол Улсад цэргийн дээд генерал цол олгож эхэлсний 81 жилийн ой, “Монгол генералын өдөр”-ийг угтан Хан-Уул дүүргийн цагдаагийн газрын алба хаагчид Цагдаагийн ерөнхий газрын Тэргүүн дэд дарга, бригадын генерал Ц.Ням-Очирт хүндэтгэл үзүүллээ.

Энэхүү арга хэмжээ өнөөдөр /2024.12.05/ болж, Хан-Уул дүүргийн цагдаагийн газар, хэлтсийн удирдлага, 230 алба хаагч, ахмад ажилтнууд оролцов.

Уулзалтын үеэр тус газраас бэлтгэсэн хүндэт зочин бригадын генерал Ц.Ням-Очирын ажлын гараа, туулж өнгөрүүлсэн амьдралын тухай “Дурсамж-1996” богино хэмжээний киног үзэж, сонирхууллаа.

Ийнхүү Цагдаагийн ерөнхий газрын Тэргүүн дэд дарга, бригадын генерал Ц.Ням-Очир алба хаагчдад өөрийн ажил, амьдралын тэргүүн туршлагаасаа хуваалцан алба хаагчдын сонирхсон асуултад хариулж, залуу алба хаагчдад сургамж, зөвлөгөө өгсөн юм.