Монгол улсын Засгийн газрын 2024 оны 86 дугаар тогтоолыг хэрэгжүүлэх ажлын хүрээнд “Камерын хяналтын дэд төв”-ийг орон нутгийн төсвийн 200.000.000 төгрөгийн санхүүжилтээр аймгийн Засаг даргын тамгын газрын дэргэд байгуулж, нээлтийн арга хэмжээг энэ оны 12 дугаар сарын 04-ний өдөр зохион байгууллаа.

Нээлтийн арга хэмжээнд аймгийн Иргэдийн төлөөлөгчдийн хурлын дарга Э.Энхбат, Засаг дарга Д.Мөнхсайхан, Хууль эрх зүйн хэлтсийн дарга Д.Сарангарав, Хууль сахиулах болон төрийн цэргийн байгууллагын удирдлагууд, аймгийн Иргэдийн төлөөлөгчдийн хурлын төлөөлөгч нар, сумдын Иргэдийн төлөөлөгчдийн хурлын дарга, Засаг дарга нар, бусад албаны хүмүүс оролцлоо.

Энэ үеэр Цагдаагийн газрын дарга, цагдаагийн хурандаа Б.Мөнхбаяр цагдаагийн газраас камержуулалтын чиглэлээр хийсэн ажил, цаашид хийж хэрэгжүүлэх ажил, арга хэмжээ, ухаалаг программ хангамжийн талаар аймаг, сумдын удирдлагуудад танилцуулсан юм.