Цагдаагийн байгууллагын үйл ажиллагааны журам “Тэтгэвэр, тэтгэмж, буцалтгүй тусламж олгох, хүндэтгэл үзүүлэх (код-915)”-ын 915.15 дахь хэсэгт заасны дагуу тус цагдаагийн газраас цэргийн алба хаасны байнгын тэтгэвэрт гарсан 3 алба хаагчид хүндэтгэл үзүүлэх арга хэмжээг энэ оны 11 дүгээр сарын 13-ны өдөр зохион байгууллаа.

Хүндэтгэлийн арга хэмжээг нээж тус цагдаагийн газрын Дэд бөгөөд Эрүүгийн цагдаагийн тасгийн дарга, цагдаагийн дэд хурандаа Б.Мэндбаяр үг хэлж, цэргийн байнгын тэтгэвэрт гарсан бэлтгэл цагдаагийн хошууч У.Ариунаа, цагдаагийн ахмад Б. Жавхлан, цагдаагийн ахлах дэслэгч М.Баясгалан нарт “Монгол цагдаа” тэмдэг, гарын бэлэг гардуулж, дурсгалын зураг авахууллаа.