Мөрдөн байцаах албаны Ахмадын зөвлөлөөс “Ахмадын алдар” өдөрлөгийг өнөөдөр /2024.05.28/ зохион байгуулж, өдөрлөгийн хүрээнд ахмад ажилтан, цагдаагийн дэд хурандаа А.Догмидыг урьж, хүндэтгэл үзүүллээ.

Энэхүү өдөрлөгт Мөрдөн байцаах албаны даргаар ажиллаж байсан Монгол Улсын гавьяат хуульч, цагдаагийн хурандаа Д.Алтангэрэл, ахмад ажилтан, цагдаагийн дэд хурандаа А.Догмидын ар гэрийнхэн, хамт сурч, ажиллаж байсан хамтран зүтгэгчид, Мөрдөн байцаах албаны алба хаагчид, Төмөр замын цагдаагийн газрын Мөрдөн байцаах тасгийн хамт олон, залуу мөрдөгч нарын төлөөлөл оролцсон юм.

Уулзалтын үеэр цагдаагийн дэд хурандаа А.Догмид ажлын туршлага, арга барилын талаар залуу алба хаагчдад хуваалцаж, алба хаагчдын сонирхсон асуултад хариулж, түүнчлэн өөрийн мөрдөн байцаагчаар ажиллах хугацаандаа хэрэглэж байсан эд зүйлсээр үзэсгэлэн гаргажээ.