Өнгөрсөн долоо хоногт Цагдаа, дотоодын цэргийн байгууллагаас зохион байгуулсан ОНЦЛОХ үйл явдлыг тоймлон хүргэж байна.

АВСТРАЛИЙН ДОТООД ХЭРГИЙН ЯАМНЫ ХОЙД АЗИЙН БҮС ХАРИУЦСАН ДАРГА, ЗӨВЛӨХ САЙД МАЛКОЛМ МАККАЛИСТЕРИЙГ ХҮЛЭЭН АВЧ УУЛЗЛАА

Австралийн Дотоод хэргийн яамны Хойд Азийн бүс хариуцсан дарга, Бээжин дэх Австралийн Дотоод хэргийн яамны зөвлөх сайд Малколм Маккалистер, Австрали Улсаас Монгол Улсад суугаа Элчин сайдын яамны Нэгдүгээр нарийн бичгийн дарга бөгөөд Консул Ан Нгүен нарыг хүлээн авч уулзлаа.

Уулзалтад Цагдаагийн ерөнхий газрын Дэд дарга, цагдаагийн хурандаа Т.Ганзориг болон албаны хүмүүс оролцсон юм.

https://police.gov.mn/a/7118

 ЗӨВЛӨГӨӨН ЗОХИОН БАЙГУУЛАГДЛАА

Цагдаагийн ерөнхий газраас Монгол цэргийн нэгдсэн холбоотой хамтран “Гэр бүлийн хүчирхийллээс урьдчилан сэргийлэхэд эрэгтэйчүүдийн үүрэг” зөвлөгөөнийг зохион байгууллаа. Энэхүү зөвлөгөөнд төрийн цэргийн болон хууль сахиулах 11 анги, байгууллага, иргэд хамрагдав.

Энэхүү зөвлөгөөнийг зохион байгуулснаар эерэг харилцаа, хүчирхийллийн хор уршиг, хүчирхийлэлгүй нийгмийг төлөвшүүлэхэд иргэн бүрийн үүрэг, оролцоо ач холбогдолтой талаар иргэдийн ойлголт, мэдлэг нэмэгдэх зэрэг олон ач холбогдолтой юм.

https://www.facebook.com/policemng/posts/pfbid02d4vyudYfcKr6yzKp9nqQdBvhFFhRHxuxEovrEGbtdbRyJPBVCwtHEUcFXWkKEZLPl

ЭРДЭМ ШИНЖИЛГЭЭНИЙ ХУРАЛ БОЛЛОО

Гэрч, хохирогчийг хамгаалах, туслалцаа үзүүлэх үндэсний хөтөлбөрийг хэрэгжүүлэх ажлын хүрээнд  “Гэрч, хохирогчийг хамгаалах хамгаалалтын арга хэмжээний өнөөгийн байдал, цаашдын чиг хандлага” сэдэвт эрдэм шинжилгээний хурал боллоо.

Тус эрдэм шинжилгээний хуралд Цагдаагийн ерөнхий газар, Дотоод хэргийн их сургууль, Авлигатай тэмцэх газар, Тагнуулын ерөнхий газрын эрдэмтэн, судлаач, багш, алба хаагчид оролцож 25 илтгэлийг амжилттай хэлэлцүүлэн шилдэг илтгэгчдээ тодруулсан юм.

https://police.gov.mn/a/7120

“ДЭЭРЭЛХЭЛ ДЭЛГЭРЭХ ЁСГҮЙ” АЯН ҮРГЭЛЖИЛЖ БАЙНА

Цагдаагийн ерөнхий газраас үе тэнгийн дээрэлхэл, сургуулийн орчинд үйлдэгдэх гэмт хэрэг, зөрчлөөс урьдчилан сэргийлэх зорилгоор “Дээрэлхэл дэлгэрэх ёсгүй” мэдээлэл, сурталчилгааны аяныг улсын хэмжээнд зохион байгуулж байна.

Энэхүү аян энэ оны 04 дүгээр сарын 08-ны өдрөөс эхлэн нэг сарын хугацаанд үргэлжилнэ.

ДОТООДЫН ЦЭРГИЙН 821 ДҮГЭЭР ТУСГАЙ САЛБАР "ЭРДЭНЭТ ДУЛААНЫ ЦАХИЛГААН СТАНЦ" ТӨХК-Г ХАМГААЛАЛТАД АВЛАА

"Эрдэнэтийн дулааны цахилгаан станц" ТӨХК-ийг Дотоодын цэргийн 821 дүгээр тусгай салбарыг хамгаалалтад хүлээн авч, тусгай салбарыг өргөтгөн зохион байгууллаа. 

Дотоодын цэргийн 821 дүгээр тусгай салбарыг өргөтгөн зохион байгуулснаар улс орны аюулгүй байдлыг хангах, батлан хамгаалах бодлого, зорилтыг хэрэгжүүлэхийн зэрэгцээ орон нутагт ажлын байрыг шинээр бий болгож орон нутгийг дэмжих төр, засгийн бодлого, аймаг орон нутгийн хөгжлийн болон аюулгүй байдлын зорилтыг хангахад эерэг нөлөө үзүүлэх чухал ач холбогдолтой юм.

https://www.facebook.com/Intr.gov.mn/posts/pfbid0S4VN4pdFxPcwp9WAFEThFcRNiYn3nGWWTmm2Ybm7HP7CXLkZmt8T7knLV5CWM856l

ЭРЭН СУРВАЛЖЛАХ АЖИЛЛАГАА, ЗАРИМ ОНЦЛОГ ШИЙДВЭРЛЭЛТИЙН ТАЛААР

Цагдаагийн байгууллагад өнгөрөгч 7 хоногт эрэн сурвалжлалтын чиглэлээр оргодол 4, гэмт хэрэгт сэрдэгдсэн этгээд 5, оршин суугаа газраасаа сураггүй алга болсон хүн 25, хэн болох нь тогтоогдоогүй цогцос 1, шүүхээс даалгасан 12 хүнийг олж тогтоов.

Хүүхдийн эрхийг зөрчсөн 60 иргэнд 18.000.000 төгрөгийн торгуулийн шийтгэл оногдуулж, удаа дараа гэр бүлийн хүчирхийлэл үйлдсэн 176 иргэнийг шүүхээр 7-30 хоног баривчлуулах саналыг хүргүүлж, шийдвэрлүүллээ.

Та бүхний шинэ долоо хоногийн ажилд нь амжилт хүсье!