Австралийн Дотоод хэргийн яамны Хойд Азийн бүс хариуцсан дарга, Бээжин дэх Австралийн Дотоод хэргийн яамны зөвлөх сайд Малколм Маккалистер, Австрали Улсаас Монгол Улсад суугаа Элчин сайдын яамны Нэгдүгээр нарийн бичгийн дарга бөгөөд Консул Ан Нгүен, тус Элчин сайдын яамны мэргэжилтэн Т.Мөнх нарыг хүлээн авч уулзлаа.

Уулзалт өнөөдөр /2024.04.10/ Цагдаагийн ерөнхий газарт болж, Цагдаагийн ерөнхий газрын Дэд дарга, цагдаагийн хурандаа Т.Ганзориг, Гадаад харилцаа, энхийг сахиулах ажиллагааны хэлтсийн дарга, цагдаагийн дэд хурандаа Б.Эрдэнэдалай нар оролцсон юм.

Энэхүү уулзалтаар манай хоёр улсын цагдаа, хууль сахиулах байгууллагын нөхөрсөг хамтын ажиллагааны хүрээнд хийж хэрэгжүүлсэн ажил, арга хэмжээний талаар хэлэлцэж, мөн цахим болон эдийн засгийн гэмт хэрэг, хар тамхитай тэмцэх, хүрээлэн байгаа орчны эсрэг гэмт хэрэгтэй тэмцэх чиглэлээр ижил чиг үүрэгтэй байгууллагууд хоорондоо туршлага солилцох, алба хаагчдын мэдлэг, ур чадварыг дээшлүүлэхэд чиглэсэн хамтын ажиллагааг өргөжүүлэхээр санал солилцов.