Монгол Улсад “Генерал” цол олгож эхэлсний 80 жилийн ой, “Монгол генералын өдөр”-ийг тохиолдуулан бригадын генерал С.Ганбатыг урьж, “Шинээр томилогдсон алба хаагчдыг дадлагажуулан, сургахад анхаарах асуудал” сэдвийн хүрээнд зөвлөх уулзалтыг өнөөдөр /2024.03.26/ зохион байгуулав.

Энэхүү зөвлөх уулзалтад Цагдаагийн ерөнхий газрын Дэд дарга, цагдаагийн хурандаа Т.Ганзориг болон төв байрны нэгжийн дарга нар, нийт 108 алба хаагч оролцлоо.

Уулзалтын үеэр бригадын генерал С.Ганбат шинээр томилогдсон алба хаагчдыг дадлагажуулан, сургахад анхаарах асуудлын хүрээнд зөвлөгөө өгч, өөрийн ажил, амьдралын туршлагаасаа хуваалцсан юм.

Алба хаагчдад өөрийн дурсамж, туршлагаа хуваалцаж, үнэ цэнтэй зөвлөгөө, мэдээлэл өгсөн бригадын генерал С.Ганбат Танд талархал илэрхийлж, цаашдын ажил хөдөлмөр, амьдралд нь сайн сайхныг хүсье!