“Бүгд Найрамдах Улс тунхагласан өдөр”-ийг тохиолдуулан гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилд идэвх зүтгэл, үр бүтээл гарган ажиллаж буй алба хаагчдад цол, шагнал гардуулах ёслолын ажиллагаа өнөөдөр /2023.11.24/ Нийслэлийн цагдаагийн удирдах газарт боллоо.

Энэхүү ёслол хүндэтгэлийн үйл ажиллагаанд Цагдаагийн ерөнхий газрын дарга, Дотоодын цэргийн командлагч, цагдаагийн хурандаа Т.Сүхболд, Тэргүүн дэд дарга, бригадын генерал Ц.Ням-Очир, Дотоодын цэргийн штабын дарга, бригадын генерал Р.Чингис болон даргын зөвлөлийн гишүүд, алба хаагчид оролцсон юм.

Энэ үеэр нийт бие бүрэлдэхүүнээс Хууль зүй, дотоод хэргийн салбарын шагналаар 400, Цагдаагийн ерөнхий газрын шагналаар 456, нийт 856 алба хаагч шагнагдсан бол цагдаагийн хурандаа цолоор 17, дэд хурандаа цолоор 41, хошууч цолоор 54, ахмад цолоор 123, ахлах дэслэгч цолоор 355, дэслэгч цолоор 177, сургагч ахлагч цолоор 5, нийт 772 алба хаагчид цол олголоо.

Шагнагдсан алба хаагчдад баяр хүргэж, цаашдын ажилд нь амжилт хүсэхийн зэрэгцээ Та бүхний гэр бүлд эрүүл энх, сайн сайхан бүхнийг хүсэн ерөөе.

Түүхэн цаг хугацааны эргэлтэд зорьсон үйлс, зүтгэсэн зүтгэл тань үргэлж мандан бадрах болтугай!