Нэг. Иргэд, байгууллагаас цагдаагийн байгууллага,

албан тушаалтанд гаргасан санал, өргөдөл, гомдлын

шийдвэрлэлтийн талаар

Цагдаа, дотоодын цэргийн анги байгууллагын удирдах албан тушаалтанд 2023 оны эхний хагас жилд  иргэд, байгууллагаас 11359 санал, өргөдөл, гомдол ирүүлснийг өмнөх оны мөн үетэй харьцуулахад 702 нэгжээр буюу 5.8 хувиар буурчээ.

Нийт хүлээн авсан санал, өргөдөл, гомдлын 239 буюу 2.1 хувь нь санал, 10970 буюу 96.6 хувь нь өргөдөл, 150 буюу 1.3 хувь нь гомдол байна

Санал, өргөдөл, гомдлыг утгаар нь авч үзвэл: 652 буюу 5.7 хувь нь ажилд орох, суралцахыг хүссэн, 224 буюу 2.0 хувь нь ажилд дахин орохыг хүссэн, 1481 буюу 13.0 хувь нь ажил өөрчлөх, шилжихийг хүссэн, 1790 буюу 15.8 хувь нь захиргааны чөлөө хүссэн, 297 буюу 2.6 хувь нь тэтгэвэр, тэтгэмж, орон сууц хүссэн, 6915 буюу 60.9 хувь нь бусад өргөдөл, гомдол байна.

Нийт хүлээн авсан санал, өргөдөл, гомдлын 11255 буюу 99.1 хувийг шийдвэрлэж, 104 буюу 0.9 хувь нь ажиллагаанд байна.

Хоёр. Цагдаагийн ерөнхий газрын удирдлагад иргэд, байгууллагаас

ирүүлсэн санал, өргөдөл, гомдлыг шийдвэрлэсэн талаар

2023 оны эхний хагас жилд Цагдаагийн ерөнхий газрын удирдлагад иргэд, байгууллага, алба хаагчдаас 307 өргөдөл, гомдол, санал хүсэлт  ирүүлснийг өмнөх оны мөн үетэй харьцуулахад 14 нэгжээр буюу 4,7 хувиар өсчээ.

Нийт хүлээн авсан санал, өргөдөл, гомдлын 276 буюу 89.9 хувь нь өргөдөл, 29 буюу 9.4 хувь нь гомдол, 2 буюу 0.7 хувь нь санал байна.

Иргэд, байгууллагаас цагдаагийн албан тушаалтанд ирүүлсэн өргөдөл, гомдол, санал хүсэлтийг утгаар нь авч үзвэл: 38 буюу 12.4 хувь нь ажилд орох суралцахыг хүссэн, 32 буюу 10.4 хувь нь ажилд дахин орохыг хүссэн, 36 буюу 11.7 хувь нь ажил өөрчлөх, шилжихийг хүссэн, 13 буюу 4.2 хувь нь захиргааны чөлөө хүссэн, 55 буюу 18.0 хувь нь тэтгэвэр, тэтгэмж, орон сууц хүссэн, 133 буюу 43.3 хувь нь бусад өргөдөл, гомдол байна.

Гурав. Засгийн газрын “Иргэд, олон нийттэй харилцах төв”-д ирсэн

санал хүсэлт, гомдол, шүүмжлэлийн талаар

2023 оны эхний хагас жилд иргэдээс Засгийн газрын “Иргэд, олон нийттэй харилцах төв”-д цагдаагийн байгууллага, алба хаагчийн үйл ажиллагаатай холбоотой 2339 санал, өргөдөл, гомдол, талархал, ирүүлсний 119 буюу 5.1 хувь нь санал, 1449 буюу 62.0 хувь нь гомдол, 293 буюу 12.5 хувь өргөдөл, 478 буюу 20.4 хувь нь талархал байна.

Иргэдээс ирүүлсэн санал хүсэлт, гомдол, талархал, шүүмжлэлийн 2205 буюу 94.3 хувийг шийдвэрлэж, 134 буюу 5.7 хувийг холбогдох алба, нэгжид судалж байна.

Дөрөв. Иргэд, байгууллагаас цагдаагийн алба

     хаагчтай холбоотой ирүүлсэн өргөдөл, гомдлын талаар

Цагдаа, дотоодын цэргийн байгууллагын алба хаагчтай холбоотой ирүүлсэн 1982 өргөдөл, гомдлоос 1841 буюу 92.9 хувийг хуулийн хугацаанд шийдвэрлэж, 141 буюу 7.1 хувьд нь хуулийн хугацаанд шалгалтын ажиллагаа явуулж байна.

Нийт зөрчлийг төрлөөр нь авч үзвэл: 95 буюу 4.8 хувь нь хууль ёс, хүний эрх чөлөөг зөрчсөн, 363 буюу 18.3 хувь нь хэрэг материал дутуу шалгасан, 100 буюу 5.4 хувь нь хэргийн хугацаа хэтрүүлсэн, 129 буюу 6.5 хувь нь бусдыг чирэгдүүлж, танил тал харсан, 18 буюу 0.9 хувь нь хээл хахууль, шан харамж авсан, 424 буюу 21.4 хувь нь цагдаагийн алба хаагчийн харьцааны соёл, ёс зүй зөрчсөн, 60 буюу 3.0 хувь нь бусдын эрх чөлөөнд халдсан, 342 буюу 17.3 хувь нь ажлын хариуцлага алдсан, 24 буюу 1.2 хувь нь архидан согтуурсан, 3 буюу  0.2 хувь өмч хөрөнгө үрэгдүүлсэн, 265 буюу 13.4 хувь нь Эрүүгийн хэрэг хэрэг хянан шийдвэрлэх тухай хууль болон бусад хууль тогтоомж зөрчсөн, 3 буюу 0.2 хувь нь цалин, тэтгэвэр тэтгэмж буруу олгосон, 157 буюу 7.9 хувь нь бусад зөрчлүүд эзэлж байна.

ТӨЛӨВЛӨЛТ, ЗОХИОН БАЙГУУЛАЛТЫН ХЭЛТЭС