Цагдаагийн ерөнхий газрын Хар тамхитай тэмцэх газраас Гаалийн ерөнхий газрын Зөрчилтэй тэмцэх, аюулгүй байдлын газрын Хар тамхи, мөнгө угаахтай тэмцэх хэлтэс, Тагнуулын ерөнхий газрын чиг үүргийн нэгжтэй хамтран энэ оны 04 дүгээр сарын 19-21-ний өдрүүдэд мансууруулах эм, сэтгэцэд нөлөөт бодисын хууль бус эргэлттэй тэмцэх, урьдчилан сэргийлэх ажлыг эрчимжүүлэх, алба хаагчдыг тухайн чиглэлээр мэргэшүүлэх ажлын хүрээнд Сэлэнгэ аймаг дахь гаалийн газрын Сүхбаатар, Алтанбулаг боомт, Чингисхаан олон улсын нисэх буудал дахь гаалийн газарт ажиллаа.

Сургалт, урьдчилан сэргийлэх арга хэмжээний хүрээнд мансууруулах эм, сэтгэцэд нөлөөт бодисын хууль бус эргэлтийн олон улсын нөхцөл байдал, чиг хандлага, эрсдэлтэй зам сувгууд, гаалийн хяналт шалгалтыг хэрэгжүүлэхэд анхаарах асуудлууд болон АНУ-ын Хил, гаалийн албаны хяналт шалгалтын туршлага, арга техникийн талаар холбогдох мэдээллийг хүргэсэн юм.

Энэ үеэр Сүхбаатар, Алтанбулаг боомтод мансууруулах бодис илрүүлэх багаж, албаны эрэлч нохой, зорчигчийн гар тээш болон хүний бие шалгах рентген аппарат ашиглан эрсдэлтэй 5 зорчигчдод хамтарсан хяналт шалгалт хийхэд 6 нэр төрлийн баталгаагүй эм, эмийн зүйлийг Зөрчлийн тухай хуулийн 11.21-р зүйлийн 11 дэх хэсгийг зөрчин улсын хилээр хууль бусаар нэвтрүүлэхийг завдсан зөрчил илэрснийг хуулийн дагуу шалган шийдвэрлэв.

ᠮᠠᠩᠰᠢᠭᠤᠷᠠᠭᠤᠯᠬᠤ ᠡᠮ᠂ ᠰᠡᠳᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠠᠰ ᠤ᠋ᠨ ᠬᠠᠤᠯᠢ ᠪᠤᠰᠤ ᠡᠷᢉᠢᠯᠲᠡ ᠲᠡᠢ ᠲᠡᠮᠡᠴᠡᢈᠦ᠂ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ ᠴᠢᢉᠯᠡᠯ ᠢ᠋ᠶᠡᠷ ᠬᠠᠮᠲᠤᠷᠠᠭᠰᠠᠨ ᠰᠤᠷᠭᠠᠯᠲᠠ ᠪᠣᠯᠤᠯᠤᠭ ᠠ᠋

ᠴᠠᠭᠳᠠᠭ᠎ᠠ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠬᠠᠷ᠎ᠠ ᠲᠠᠮᠠᢈᠢ ᠲᠠᠢ ᠲᠡᠮᠡᠴᠡᢈᠦ ᠭᠠᠵᠠᠷ ᠠ᠋ᠴᠠ ᠭᠠᠶᠢᠯᠢ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠵᠥᠷᠢᠴᠡᠯ ᠲᠡᠢ ᠲᠡᠮᠡᠴᠡᢈᠦ᠂ ᠠᠶᠤᠯ ᠦ᠋ᢉᠡᠢ ᠪᠠᠶᠢᠳᠠᠯ ᠤ᠋ᠨ ᠭᠠᠵᠠᠷ ᠤ᠋ᠨ ᠬᠠᠷ᠎ᠠ ᠲᠠᠮᠠᢈᠢ᠂ ᠮᠥᠩᢉᠦ ᠤᠭᠠᠬᠤ ᠲᠠᠢ ᠲᠡᠮᠡᠴᠡᢈᠦ ᢈᠡᠯᠲᠡᠰ᠂ ᠲᠠᠩᠨᠠᠭᠤᠯ ᠤ᠋ᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠴᠢᢉ ᠡᢉᠦᠷᢉᠡ ᠶ᠋ᠢᠨ ᠨᠢᢉᠡᠴᠡ ᠲᠡᠢ ᠬᠠᠮᠲᠤᠷᠠᠨ ᠡᠨᠡ ᠣᠨ ᠤ᠋ ᠐᠔ ᠳᠦᢉᠡᠷ ᠰᠠᠷ᠎ᠠ ᠶ᠋ᠢᠨ ᠑᠙᠆ ᠑᠑ ᠨᠤ ᠡᠳᠦᠷ ᠦ᠋ᠳ ᠲᠦ ᠮᠠᠩᠰᠢᠭᠤᠷᠠᠭᠤᠯᠬᠤ ᠡᠮ᠂ ᠰᠡᠳᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠠᠰ ᠤ᠋ᠨ ᠬᠠᠤᠯᠢ ᠪᠤᠰᠤ ᠡᠷᢉᠢᠯᠲᠡ ᠲᠡᠢ ᠲᠡᠮᠡᠴᠡᢈᠦ᠂ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ ᠠᠵᠢᠯ ᠢ᠋ ᠡᠷᠴᠢᠮᠵᠢᢉᠦᠯᢈᠦ᠂ ᠠᠯᠪᠠ ᠬᠠᠭᠠᠭᠴᠢᠳ ᠢ᠋ ᠲᠤᠬᠠᠢ ᠶ᠋ᠢᠨ ᠴᠢᢉᠯᠡᠯ ᠢ᠋ᠶᠡᠷ ᠮᠡᠷᢉᠡᠰᠢᢉᠦᠯᢈᠦ ᠠᠵᠢᠯ ᠤ᠋ᠨ ᢈᠦᠷᠢᠶᠡᠨ ᠳ᠋ᠦ ᠰᠡᠯᠡᠩᢉᠡ ᠠᠶᠢᠮᠠᠭ ᠳ᠋ᠠᢈᠢ ᠭᠠᠶᠢᠯᠢ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠰᠦᢈᠡᠪᠠᠭᠠᠲᠤᠷ᠂ ᠠᠯᠲᠠᠨᠪᠤᠯᠠᠭ ᠪᠣᠭᠤᠮᠲᠠ᠂ ᠴᠢᠩᢉᠢᠰᠬᠠᠭᠠᠨ ᠣᠯᠠᠨ ᠤᠯᠤᠰ ᠤ᠋ᠨ ᠨᠢᠰᢈᠦ ᠪᠠᠭᠤᠳᠠᠯ ᠳᠠᢈᠢ ᠭᠠᠶᠢᠯᠢ ᠶ᠋ᠢᠨ ᠭᠠᠵᠠᠷ ᠲᠤ ᠠᠵᠢᠯᠯᠠᠭ᠎ᠠ᠃

ᠰᠤᠷᠭᠠᠯᠲᠠ᠂ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ ᠠᠷᠭ᠎ᠠ ᢈᠡᠮᠵᠢᠶ ᠡᠨ ᠦ᠋ ᢈᠦᠷᠢᠶ ᠡᠨ ᠳ᠋ᠦ ᠮᠠᠩᠰᠢᠭᠤᠷᠠᠭᠤᠯᠬᠤ ᠡᠮ᠂ ᠰᠡᠳᢈᠢᠴᠡ ᠳ᠋ᠦ ᠨᠥᠯᠦᢉᠡᠲᠦ ᠪᠣᠳᠠᠰ ᠤ᠋ᠨ ᠬᠠᠤᠯᠢ ᠪᠤᠰᠤ ᠡᠷᢉᠢᠯᠲᠡ ᠶ᠋ᠢᠨ ᠣᠯᠠᠨ ᠤᠯᠤᠰ ᠤ᠋ᠨ ᠨᠥᢈᠦᠴᠡᠯ ᠪᠠᠶᠢᠳᠠᠯ᠂ ᠴᠢᢉ ᠬᠠᠨᠳᠤᠯᠭ᠎ᠠ᠂ ᠡᠷᠦᠰᠳᠡᠯ ᠲᠡᠢ ᠵᠠᠮ ᠰᠤᠪᠠᠭ ᠤ᠋ᠳ᠂ ᠭᠠᠶᠢᠯᠢ ᠶ᠋ᠢᠨ ᢈᠢᠨᠠᠯᠲᠠ ᠰᠢᠯᠭᠠᠯᠲᠠ ᠶ᠋ᠢ ᢈᠡᠷᠡᢉᠵᠢᢉᠦᠯᢈᠦ ᠳ᠋ᠦ ᠠᠩᠬᠠᠷᠬᠤ ᠠᠰᠠᠭᠤᠳᠠᠯ ᠤ᠋ᠳ ᠪᠣᠯᠤᠨ ᠠᠨᠤ ᠠ ᠶ᠋ᠢᠨ ᢈᠢᠯᠢ᠂ ᠭᠠᠶᠢᠯᠢ ᠶ᠋ᠢᠨ ᠠᠯᠪᠠᠨ ᠤ᠋ ᢈᠢᠨᠠᠯᠲᠠ ᠰᠢᠯᠭᠠᠯᠲᠠ ᠶ᠋ᠢᠨ ᠲᠤᠷᠰᠢᠯᠭ᠎ᠠ᠂ ᠠᠷᠭ᠎ᠠ ᠲᠧᠻᠨᠢᢉ ᠦᠨ ᠲᠠᠯᠠᠭᠠᠷ ᠬᠣᠯᠪᠤᠭᠳᠠᠬᠤ ᠮᠡᠳᠡᢉᠡᠯᠡᠯ ᠢ᠋ ᢈᠦᠷᢈᠡᢉᠰᠡᠨ ᠶᠠᠭᠤᠮ᠎ᠠ᠃

ᠡᠨᠡ ᠦᠶ᠎ᠡ ᠪᠡᠷ ᠰᠦᢈᠡᠪᠠᠭᠠᠲᠤᠷ᠂ ᠠᠯᠲᠠᠨᠪᠤᠯᠠᠭ ᠪᠣᠭᠤᠮᠲᠠ ᠳ᠋ᠤ ᠮᠠᠩᠰᠢᠭᠤᠷᠠᠭᠤᠯᠬᠤ ᠪᠣᠳᠠᠰ ᠢᠯᠡᠷᠡᢉᠦᠯᢈᠦ ᠪᠠᠭᠠᠵᠢ᠂ ᠠᠯᠪᠠᠨ ᠤ᠋ ᠡᠷᠢᠯᠴᠢ ᠨᠣᠬᠠᠢ᠂ ᠵᠣᠷᠴᠢᢉᠴᠢ ᠶ᠋ᠢᠨ ᠭᠠᠷ ᠲᠡᢉᠡᢉᠡᠰᠢ ᠪᠣᠯᠤᠨ ᢈᠦᠮᠦᠨ ᠦ᠋ ᠪᠡᠶ᠎ᠡ ᠰᠢᠯᠭᠠᠬᠤ ᠷᠧᠨᠲ᠋ᢉᠧᠨ ᠠᠫᠫᠠᠷᠠᠲ ᠠᠰᠢᠭᠯᠠᠨ ᠡᠷᠦᠰᠳᠡᠯ ᠲᠡᠢ ᠕ ᠵᠣᠷᠴᠢᠭᠴᠢᠳ ᠲᠤ ᠬᠠᠮᠲᠤᠷᠠᠭᠰᠠᠨ ᢈᠢᠨᠠᠯᠲᠠ ᠰᠢᠯᠭᠠᠯᠲᠠ ᢈᠢᢈᠦ ᠳ᠋ᠦ ᠖ ᠨᠡᠷ᠎ᠡ ᠲᠥᠷᠦᠯ ᠦ᠋ᠨ ᠪᠠᠲᠤᠯᠠᠭ᠎ᠠ ᠦ᠋ᢉᠡᠢ ᠡᠮ᠂ ᠡᠮ ᠦ᠋ᠨ ᠵᠦᠶᠢᠯ ᠢ᠋ ᠵᠥᠷᠢᠴᠡᠯ ᠦ᠋ᠨ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠑᠑᠂᠒᠑ ᠆ ᠷ ᠵᠦᠢᠯ ᠦ᠋ᠨ ᠑᠑ ᠳ᠋ᠡᢈᠢ ᢈᠡᠰᠡᢉ ᠢ ᠵᠥᠷᠢᠴᠡᠨ ᠤᠯᠤᠰ ᠤ᠋ᠨ ᢈᠢᠯᠢ ᠪᠡᠷ ᠬᠠᠤᠯᠢ ᠪᠤᠰᠤ ᠪᠠᠷ ᠨᠡᠪᠲᠡᠷᠡᢉᠦᠯᢈᠦ ᠶ᠋ᠢ ᠵᠠᠪᠳᠤᠭᠰᠠᠨ ᠵᠥᠷᠢᠴᠡᠯ ᠢᠯᠡᠷᠡᢉᠰᠡᠨ ᠢ᠋ ᠬᠠᠤᠯᠢ ᠶ᠋ᠢᠨ ᠳᠠᠭᠠᠭᠤ ᠰᠢᠯᠭᠠᠨ ᠰᠢᠶᠢᠳᠪᠦᠷᠢᠯᠡᠪᠡ᠃