Нийслэл Улаанбаатар хот 204 хороотой. Хороод тус бүрд гэмт хэрэгтэй тэмцэх, нийтийн хэв журам хамгаалах олон нийтийн аюулгүй байдлыг хангах чиглэлээр 300 гаруй цагдаагийн алба хаагчид ажилладаг. Ажиллаж буй боловсон хүчний 62.4 хувь нь өөр мэргэжил эзэмшсэн алба хаагчид байдаг байна. Тодруулбал: Өөр их дээд сургуульд суралцаж мэргэжил эзэмшээд түүний дараа цагдаагийн сургуульд мэргэжил эзэмшжээ.

Тиймээс эдгээр хэсгийн байцаагчдын ур чадварыг нэмэгдүүлэх, чадавхжуулах, нийгмийн баталгааг нь дээшлүүлэх, үйл ажиллагааг нь сайжруулах чиглэлээр өнөөдөр /2023.04.21/ “ХЭСГИЙН БАЙЦААГЧ-2023” зөвлөгөөнийг Нийслэлийн иргэний танхимд зохион байгуулж байна.  
Зөвлөгөөнд Нийслэлийн 9 дүүргийн 17 цагдаагийн газар хэлтсийн 280 хэсгийн байцаагч, цахимаар нутаг дэвсгэр хариуцсан цагдаагийн байгууллагын 121 хэсгийн байцаагч хамрагдаж байна. 

Зөвлөгөөний үеэр ажил мэргэжлээрээ хамт олноо манлайлан хошуучлан ажилласан 32 хэсгийн байцаагчийг Цагдаагийн ерөнхий газар болон Нийслэлийн иргэдийн төлөөлөгчдийн хурал, Нийслэлийн, Засаг даргын шагналаар шагнаж урамшууллаа.