Дотоодын цэргийн штаб, анги, тусгай салбарын олон нийттэй харилцах болон соён гэгээрүүлэх ажил хариуцсан албан тушаалтнуудыг  чадавхжуулах, мэргэжил, арга зүйн удирдлагаар хангах сургалтыг Цагдаагийн ерөнхий газрын Хэвлэл мэдээллийн төв, Монголын Үндэсний Олон Нийтийн Радио Телевиз, “Энх-Арслан” ХХК, “Голобал вишн” ХХК зэрэг байгууллагуудтай хамтран зохион байгууллаа. 

Сургалтад Улаанбаатар хүрээний анги, тусгай салбарын алба хаагчид танхимаар, орон нутаг дахь анги, тусгай салбарын алба хаагчид цахимаар тус тус хамрагдсан бөгөөд сургалтад оролцсон алба хаагчдад гэрчилгээ гардууллаа.  
Энэхүү сургалт нь алба хаагчдыг мэргэшүүлэх, иргэдийн эрх зүйн мэдлэгийг дээшлүүлж, иргэн-цэргийн харилцааг бэхжүүлэх, Дотоодын цэргийн алба, ажиллагаагааг иргэд, олон нийтэд сурталчлан таниулах, бодит мэдээллийг шуурхай хүргэх чиглэлээр чадавхжуулахад чиглэгдэж байгаа юм.