Цагдаагийн ерөнхий газрын төв байрны алба хаагчдын дунд 2023 онд зохион байгуулах сургалт, соён гэгээрүүлэх ажлын төлөвлөгөөний дагуу алба хаагчдын чөлөөт цагийг зөв боловсон өнгөрүүлэх, дартсын спортын мэдлэг, ур чадварыг нэмэгдүүлэх, сурталчлах зорилгоор төв байрны газар, алба, харьяа нэгжийн бие бүрэлдэхүүний дунд “Дартсын” аварга шалгаруулах тэмцээнийг Цагдаагийн ерөнхий газрын Хүний нөөцийн хэлтсээс өнөөдөр /2023.04.07/ зохион байгууллаа.

Тэмцээн эрэгтэй, эмэгтэй ганцаарчилсан, холимог хос гэсэн 3 төрөлд 15 нэгжээс эрэгтэй 25, эмэгтэй 15 алба хаагч, оролцсон юм.

-   Эрэгтэй ганцаарчилсан төрлийн “Тэргүүн байр”-нд ЦЕГ-ын Хуулийн хэлтсийн ахлах мэргэжилтэн, цагдаагийн хошууч Ч.Болд;

-   “Дэд байр”-нд ЦЕГ-ын Хүний нөөцийн хэлтсийн ахлах мэргэжилтэн, цагдаагийн хошууч Ж.Гэрэлт-Од;

-   “Гутгаар байр”-нд ЦЕГ-ын Дотоод хяналт, аюулгүй байдлын газрын байцаагч, цагдаагийн хошууч Б.Жадамба;

-   Эмэгтэй ганцаарчилсан төрлийн “Тэргүүн байр”-нд Зөрчлийн хэрэг бүртгэх газрын ахлах мэргэжилтэн, цагдаагийн хошууч Г.Зулзаяа;

-   “Дэд байр”-нд Цагдаа, дотоодын цэргийн сургалтын нэгдсэн төвийн ахлах мэргэжилтэн, цагдаагийн хошууч Г.Буйрцэнгэг;

-   “Гутгаар байр”-нд ЦЕГ-ын Дотоод хяналт, аюулгүй байдлын газрын ахлах байцаагч, цагдаагийн дэд хурандаа Ц.Наранцацрал нар тус тус шалгарлаа.

            Мөн Холимог хосын төрөлд:

-           “Тэргүүн байр”-нд ЦЕГ-ын Хуулийн хэлтсийн баг;

-           “Дэд байр”-нд Дотоод хяналт, аюулгүй байдлын газрын баг;

-           “Гутгаар байр”-нд Хүний нөөцийн хэлтсийн баг тамирчид шалгарав.

Тэмцээнд оролцсон нийт баг тамирчдадаа цаашдынх нь ажилд амжилт хүсье.