Төрийн цэргийн болон хууль сахиулах байгууллагын алба хаагчдын ёс зүй, бие бялдрын бэлтгэлжилтийг дээшлүүлэх хөтөлбөрийн хүрээнд Дотоодын цэргийн анги, байгууллагын бие бүрэлдэхүүний бие бялдар, мэргэжлийн ур чадвар, сэтгэл зүйн бэлтгэлийг дээшлүүлэн, хуулиар хүлээсэн үндсэн чиг үүргээ гүйцэтгэх чадавхыг нэмэгдүүлэх зорилгоор “Марш-тусгай бэлтгэлийн цогцолбор тэмцээн”-ийг зохион байгуулж байна.

Энэхүү цогцолбор тэмцээн энэ сарын 30,31-ний өдрүүдэд Дотоодын цэргийн 05 дугаар анги, “Нарстай ам” дахь сургалтын хэсэгт зохион байгуулагдаж байгаа юм.

“Марш-тусгай бэлтгэлийн цогцолбор тэмцээн”-ий нээлт өнөөдөр /2023.03.30/ зохион байгуулагдаж, нээлтэд Дотоодын цэргийн штабын дарга, бригадын генерал Р.Чингис, Дэд бөгөөд Ажиллагааны удирдлагын газрын дарга, хурандаа Н.Мөнх-Итгэл болон анги, байгууллагын удирдлага, алба хаагчид оролцлоо.  

Уг тэмцээнд дотоодын цэргийн анги, тусгай салбар, салааны эрэгтэй 14, эмэгтэй 3 нийт 17 багийн 185 алба хаагч оролцож байгаа бөгөөд өнөөдөр гарааны өмнө явагдах тэмцээнүүд зохион байгуулагдав.

Тэмцээн маргааш “Нарстай ам” дахь сургалтын хэсэгт үргэлжилнэ.