Цагдаагийн ерөнхий газрын дарга, Дотоодын цэргийн командлагчийн тушаалаар Дотоодын цэргийн 05, 805 дугаар ангиудад хугацаат цэргийн алба хаагчдыг “Хамгаалалтын ажилтан”, “Цагдаа-жолооч” мэргэжил олгох сургалтад хамруулах зорилгоор судалгааны ажлыг зохион байгуулж, тэнцсэн хугацаат цэргийн алба хаагчдыг Цагдаа, дотоодын цэргийн Сургалтын нэгдсэн төвийн мэргэжил олгох сургалтад хамруулж байна.

Энэхүү сургалтад Дотоодын цэргийн 05, 805 дугаар ангийн 2022 оны I ээлжээр татагдан ирсэн 54 хугацаат цэргийн алба хаагчид хамрагдаж байгаа бөгөөд сургалт энэ оны 03 дугаар сарын 20-ны өдрөөс 04 дүгээр сарын 28-ны өдрийг хүртэл зохион байгуулагдах юм.

Хугацаат цэргийн алба хаагчид алба хааж байх хугацаандаа энэхүү сургалтад амжилттай хамрагдаж төгссөнөөр цаашид цагдаа, дотоодын цэргийн байгууллагын ахлагчийн ажлын байр /албан тушаал/-ны сул орон тоонд томилогдон ажиллах бүрэн боломжтой.

Мэргэжил олгох сургалтад хамрагдаж буй нийт хугацаат цэргийн алба хаагчдынхаа эрдмийн их үйлсэд амжилт хүсье!