Арвандолоодугаар жарны “Үзэсгэлэн болгогч” хэмээх усан туулай жилийн сар шинийн баяр, амралтын өдрүүдийг тэмдэглэн өнгөрүүлэхтэй холбогдуулан цагдаа, дотоодын цэргийн байгууллагын бие бүрэлдэхүүн гэмт хэрэгтэй тэмцэх, урьдчилан сэргийлэх, нийтийн хэв журам хамгаалах, олон нийтийн аюулгүй байдлыг хангах зорилгоор энэ оны 02 дугаар сарын 20-ны өдрийн 09.00 цагаас 02 дугаар сарын 24-ний өдрийн 09.00 цаг хүртэлх хугацаанд өндөржүүлсэн бэлэн байдлын нэгдүгээр зэрэгт шилжин ажилласан юм.

Энэ сарын 20-ны өдрийн 05.00 цагаас мөн сарын 23-ны 05.00 цаг хүртэлх хугацаанд цагдаагийн байгууллагын 102 тусгай дугаарт иргэн, хуулийн этгээдээс гэмт хэрэг, зөрчлийн 3299, зам тээврийн ослын 999 дуудлага, мэдээллийг шийдвэрлэж ажиллалаа.