Монгол цэргийн нэгдсэн холбооны салбар холбоодын үйл ажиллагааг дүгнэх, цаашдын зорилтыг тодорхойлох, салбар холбоодын үйл ажиллагааг орон нутагт эрчимжүүлэх, мэдлэг олгох уулзалт өнөөдөр /2022.12.23/ Монгол цэргийн нэгдсэн холбооны хурлын танхимд зохион байгуулагдлаа.

Уулзалтад Монгол цэргийн нэгдсэн холбооны Ерөнхий нарийн бичгийн дарга Ц.Тогоо, Ажлын албаны дарга Ж.Ванчинсүрэн, удирдах зөвлөлийн гишүүн Ж.Бумнанжид болон салбар хороодын нарийн бичгийн дарга нар оролцов.

Мөн энэ үеэр иргэдэд эх оронч үзэл, үндэсний бахархлыг хөгжүүлэх, ард иргэдээ соён гэгээрүүлэх, Монгол Улсын тусгаар тогтнол, аюулгүй байдлын дархлаа, үнэт зүйлсийг хамгаалан бэхжүүлэх үйлсэд төр, иргэний байгууллагуудтай хамтран ажиллах эрхэм зорилгыг хэрэгжүүлэх үйлсэд манлайлан оролцсон тэргүүний салбар, холбоодыг шалгаруулж шагнал гардууллаа.