Дэлхий нийтээр жил бүрийн 4 дүгээр сарын 30-ны өдрийг “Хүүхдийг зодож, шийтгэхийн эсрэг өдөр” болгон тэмдэглэж ирсэн бөгөөд  Чингэлтэй дүүрэг 5 дахь жилдээ энэ өдрийг тэмдэглэн өнгөрүүлж байна.

Чингэлтэй дүүрэг дэх цагдаагийн газраас энэ өдрийг угтан дүүргийн Засаг даргын Тамгын газар, Гэмт хэргээс урьдчилан сэргийлэх ажлыг зохицуулах салбар зөвлөл, дүүргийн Прокурорын газар болон ерөнхий боловсролын сургуулиудтай хамтран хүүхдийг бие махбодын хүчирхийлэлд өртөхөөс урьдчилан сэргийлэх, эерэг орчинд өсгөн хүмүүжүүлэхийг уриалсан нөлөөллийн ажлуудыг үе шаттайгаар зохион байгууллаа.

Арга хэмжээний үеэр сурагч болон эцэг, эх асран хамгаалагчдаас хүүхдэд тулгамдаж буй асуудлын талаар санал сэтгэгдлийг хүлээн авч,  тулгамдаж байгаа асуудлын нэгтгэлийг дүүргийн шийдвэр гаргах эрхий бүхий байгууллагын удирдлагад хүргүүлэхээр болсон юм.