Дундговь аймгийн хэмжээнд хорихоос суллагдсан болон хорих ял нь тэнсэгдсэн цагдаагийн байгууллагын захиргааны хяналтанд байдаг 109 хүн байна. Эдгээр хүмүүст чиглэсэн амьдралд хандах хандлагыг нь эерэгээр өөрчилөх архины хорт зуршлаас татгалзуулах, ажлын байранд зуучлах мэрэгжлийн чиг баримжаа олгох сургалт хөтөлбөрийн талаар мэдээлэл өгөх зорилгоор "Амьдралын итгэл" өдөрлөгийг аймгийн цагдаагийн хэлтэс, аймгийн хөдөлмөрийн хэлтэс хамтран 2014.06.23 ны өдөр зохион байгууллаа. Арга хэмжээний хүрээнд захиргааны хяналтанд байдаг хүмүүст зориулсан сургалт, мэдээлэл зохион байгуулж нийт оролцогч нарт итгэлийн хуудас гардуулж, эрүүл мэндийн шинжилгээнд үнэ төлбөргүйгээр хамрууллаа. Улаанбаатар хотын "АА" төвийн гишүүд Дундговь аймгийн "Говийн хийморь АА" бүлгэмийн гишүүд архинд донтох хорт зуршлаасаа хэрхэн ангижирсан туршлагаасаа хуваалцаж халуун дотно, амьд яриа өрнүүллээ.

Өдөрлөгийн фото сурвалжлагыг хүргэж байна.

Илүү дэлгэрэнгүйг Дундговь аймгийн Цагдаагийн хэлтсийн https://www.facebook.com/dundgoviPolice хуудсаар үзэж сонирхоорой.