Цагдаагийн ерөнхий газрын Сургалт дадлагын төв, Хүний аюулгүй байдлын судалгааны төв ТББ-тай хамтран “Хүн худалдаалах гэмт хэрэг ба хөдөлмөрийн мөлжлөг” сэдэвт вакумжуулсан сургалтыг төв, орон нутгийн мөрдөн байцаагч нарын дунд 6 дугаар сарын 18-20-ны өдрүүдэд зохион явуулж байна. Энэхүү сургалт нь 3 хоногийн хугацаатай явагдах бөгөөд өөр улс гүрэнтэй хил залгаа орон нутаг, тухайлбал Дорнод, Хөвсгөл, Замын-Үүд,  Өмнөговь аймгийн ахлах мөрдөн байцаагч нар, Зохион байгуулалттай гэмт хэрэгтэй тэмцэх газар, Нийслэлийн цагдаагийн газар, дүүргүүдийн цагдаагийн хэлтсийн энэ чиглэлээр дагнан ажилладаг мөрдөн байцаагчид, энэ төрлийн гэмт хэрэг гарах эрсдэлтэй аймгийн нийт 40 орчим алба хаагчид оролцож байгаагаараа онцлогтой.

Сургалтын хүрээнд “Хүн худалдаалах гэмт хэргийн тухай болон мөрдөн шалгах явц”, “Хүн худалдаалах нь үндэстэн дамнасан, зохион байгуулалттай гэмт хэрэг болох нь”, “Хүн худалдаалах гэмт хэргийн үйл явц”, “Хүн худалдаалахтай тэмцэх тухай хууль”, “Хохирогчийг таних, илрүүлэх болон хамгаалах”, “Гэрч, хохирогчтой ярилцлага хийх нь” сэдвүүдийн хүрээнд Английн сургагч багшаар хичээл заалгаж, дасгал дадлага ажлуудыг хийж гүйцэтгэх юм.

Сургалтын үйл ажиллагаанд амжилт хүсье.