Нийтийн хэв журам хамгаалах олон нийтийн аюулгүй байдлыг хангах албаны Хүрээлэн буй орчны хяналтын хэлтсийн алба хаагчид Улаанбаатар хот руу  орох, гарах хяналтын 7 цэгт үүрэг гүйцэтгэж, хяналтын цэгээр дамжин өнгөрөх нэвтрэх тээврийн хэрэгсэл бүрийг шалгаж гэмт хэрэг зөрчлөөс урьдчилан сэргийлэх, илрүүлэх, таслан зогсоох арга хэмжээг зохион байгуулан ажиллаж байна.

Өнгөрсөн хоногийн хугацаанд Ховд аймгийн харьяат иргэн Б нь ховор амьтаны жагсаалтанд багтсан алтайн хойлог шувуу хоёр ширхэгийг зохих зөвшөөрөлгүй тээвэрлэж явсаныг илрүүлэн Сонгинохайрхан дүүрэг дэх цагдаагийн газрын 1 дүгээр хэлтэст;

Төв аймгийн  харьяат иргэн П нь Монгол улсын  Засгийн газрын  2019 оны 09 дүгээр сарын 18-ны өдрийн  “Бичил уурхайгаар ашигт  малтмал олборлох үйл ажиллагааны талаар авах зариим арга хэмжээний тухай” 355 дугаар тогтоолоор хориглосон Налайх дүүрэг дэх бичил уурхайгаас хууль бусаар олборлосон 1.7 тонн түүхий нүүрс тээвэрлэж явсаныг илрүүлэн тээврийн хэрэгслийг тээврийн хэрэгслийг түр саатуулах байранд хүлээлгэн өгч, түүхий нүүрсийг хураан авч шалгуулж, арга хэмжээ тооцуулахаар Нийслэлийн мэргэжлийн хяналтийн газарт;

Иргэн Б, Ш нар зохих зөвшөөрөлгүй 26 м3 орчим мод тээвэрлэж явсаныг илрүүлэн Баянзүрх дүүрэг дэх Цагдаагийн 3 дугаар хэлтэст эд мөрийн баримтын хамт шалгуулахаар тус тус хүлээлгэн өгөв.