Монгол Улсын Цагдаагийн ерөнхий газар Америкийн Нэгдсэн Улсаас Монгол Улсад суугаа Элчин сайдын яам хамтран 2019 оны 10 дугаар сарын 28-наас 11 дүгээр сарын 22-ны өдрүүдэд “Мансууруулах бодисыг мөрдөн шалгах ажиллагаа” сэдэвт сургалтыг амжилттай зохион байгуулсан.

Энэхүү сургалтад мансууруулах эм, сэтгэцэд нөлөөт бодистой холбоотой гэмт хэргийг илрүүлэх, мөрдөн шалгах чиг үүрэг бүхий тагнуул, цагдаагийн байгууллагын 25 алба хаагч амжилттай хамрагдсан юм.

Дээрх сургалтын 2 дахь үе, шатанд Цагдаагийн ерөнхий газрын даргын тушаалаар дүүрэг, орон нутгийн 25 мөрдөгч хамрагдаж байна. Сургалтын нээлтийн үйл ажиллагаа өнөөдөр /2020.01.20/ “Мөрдөн байцаах алба”-ны хурлын танхимд боллоо.

“Мансууруулах бодисыг мөрдөн шалгах ажиллагаа” сэдэвт сургалтыг АНУ-ын Номхон далайн командлалын агентлаг хоорондын хамтарсан хүчний хар тамхитай тэмцэх албанд 22 жил ажилласан туршлагатай сургагч багш нар зохион байгуулан явуулах юм.