Эх сурвалж: www.gogo.mn

Өнгөрсөн жилийн наадмаар Хүй долоон худагт 18 хүүхэд төөрснийг эцэг эхэд нь хүлээлгэн өгчээ. 

Хүй долоон худагт өчигдрөөс эхлэн цагдаагийн түр хүрээг байгуулан 1400 албан хаагч өндөржүүлсэн бэлэн байдлын хоёрдугаар зэрэгт хэв журмыг сахиулан ажиллаж эхэлжээ.

Цагдаагийн түр хүрээ энэ сарын 13-ныг дуустал Хүй долоон худагт ажиллах бөгөөд энэ талаар ЦЕГ-ын Урьдчилсан сэргийлэх хэлтсийн ахлах мэргэжилтэн, цагдаагийн дэд хурандаа Д.Бүрэнбаатар хэлэхдээ, "Өнгөрсөн жилийн баяр наадмаар гэмт хэрэг зөрчил өмнөх жилүүдээс буурсан. Энэ жил дахин бууруулахаар иргэддээ сэрэмжлүүлэг өгч ажиллаж байна. Тухайлбал, хүүхдийг тээвэрлэхдээ хөдөлгөөний аюулгүй байдлын журам зөрчиж биеийг машинаас ил гаргах, бага насны хүүхдүүд эцэг эхээсээ төөрөх зэргээс урьдчилан сэргийлэхэд анхаарч байна. Бага насны хүүхдэд эцэг эхийн утасны дугаар бүхий бугуйвч хэвлэн тарааж, уяач, уралдаанч хүүхдүүдэд аюулгүй байдлын зөвлөмж хүргэсэна. Сая хязаалан насны морьдын уралдаанд 356 хүүхэд, уяачдад зөвлөмж хүргүүлсэн. Нас бүрт зөвлөмж хүргүүлнэ. Уяачид унаач хүүхдийн аюулгүй байдлыг хангах үүрэгтэй. Даатгалын асуудал дээр Нийслэлийн гэр бүл, хүүхэд залуучуудын газартай хамтран ажиллаж байна" гэлээ. 

Өнгөрсөн жилийн баяр наадмаар Хүй долоон худагт 18 хүүхэд төөрснийг эцэг эхэд нь хүлээлгэн өгчээ. Төөрсөн хүүхдүүдийг 108 дугаарын утсанд болон цагдаагийх алба хаагчид мэдэгдэх юм.