Цагдаа, дотоодын цэргийн байгууллагын алба хаагчдад шагнал гардуулах ёслолын ажиллагаа өнөөдөр /2018.12.28/ Цагдаагийн ерөнхий газрын Ёслол хүндэтгэлийн танхимд боллоо.

Үндэсний эрх чөлөө, тусгаар тогтнолоо сэргээсний баярын өдрийн тохиолдуулан Монгол Улсын Ерөнхийлөгчийн зарлигаар хууль сахиулах салбарт эрхэлсэн ажилдаа идэвх зүтгэл үр бүтээлтэй ажилласан алба хаагч, ажилтнуудыг Цэргийн гавьяаны улаан тугийн одон, Цэргийн гавьяаны одон, Алтангадас одон, Цэргийн хүндэт медаль, Хөдөлмөрийн хүндэт медалиар шагнасныг Цагдаагийн ерөнхий газрын дарга, дотоодын цэргийн командлагч, цагдаагийн хурандаа С.Баатаржав гардуулсан юм.

Мөн Хууль зүй, дотоод хэргийн сайдын тушаалаар Хууль зүйн албаны тэргүүний ажилтан, Цагдаагийн алдар, Хүндэт жуух бичгээр дөрвөн алба хаагчийг шагналаа.

Гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилд идэвх зүтгэл үр бүтээл гаргаж ажилласан алба хаагчдад Цагдаагийн ерөнхий газрын даргын тушаалаар Цагдаагийн гавьяа тэмдэг, хугацааны өмнө цол гардуулав.

Энэ өдөр мөн гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилдаа идэвх зүтгэл гарган, бусдыгаа хошуучилж ажилласан шилдэг алба хаагчдад шагнал гардуулсан юм.

Нийтийн хэв журам хамгаалах, олон нийтийн аюулгүй байдлыг хангах албаны Эргүүл хамгаалалтын газрын Эргүүл, тусгай хамгаалалтын хэлтсийн эргүүл, хамгаалалтын цагдаа, цагдаагийн ахлах ахлагч Т.Эрдэмсайханыг “Арван тавны цагдаа”-аар өргөмжилж, хантааз, талгай, энгэрийн тэмдэг, мөнгөн шагнал гардуулсан нь онцлог үйл явдал байлаа.

Хөдөлмөрийн тэргүүний алба хаагчаар:

Баянгол дүүрэг дэх цагдаагийн нэгдүгээр хэлтсийн эрүүгийн мөрдөгч, цагдаагийн ахлах дэслэгч Ц.Бат-Эрдэнэ

Сүхбаатар дүүрэг дэх цагдаагийн нэгдүгээр хэлтсийн мөрдөгч, цагдаагийн ахлах дэслэгч Б.Мөнхболд

Баянзүрх дүүрэг дэх цагдаагийн гуравдугаар хэлтсийн ахлах мөрдөгч, цагдаагийн хошууч Б.Мөнхзул

НХЖХОНАБХА-ны чиглэлийн ахлах мэргэжилтэн, цагдаагийн дэд хурандаа О.Түмэнбаяр

Баянзүрх дүүрэг дэх цагдаагийн нэгдүгээр хэлтсийн ахлах мэргэжилтэн, цагдаагийн ахмад Б.Золжаргал

Баянгол дүүрэг дэх замын цагдаагийн хэлтсийн цагдаа зохицуулагч, цагдаагийн ахлагч О.Батзаяа

Баянгол дүүрэг дэх цагдаагийн хоёрдугаар хэлтсийн ахлах нягтлан бодогч, цагдаагийн дэслэгч Б.Сонинхүү

НЦГ-ын Дэд бөгөөд мөрдөн шалгах газрын дарга, цагдаагийн хурандаа Ш.Цогбаатар

ЦЕГ-ын хэлтсийн ахлах мэргэжилтэн, цагдаагийн дэд хурандаа Н.Мөнх-Итгэл

Дотоодын цэргийн 805 дугаар ангийн харуулчин, ахлах ахлагч Л.Цагаан-Ухна

Ажил мэргэжлийн шилдэг алба хаагчаар:

Төв аймаг дахь Цагдаагийн газрын Эрдэнэ сум дахь хэсгийн төлөөлөгч, цагдаагийн ахмад Б.Мөнхбаяр

Хар тамхитай тэмцэх газрын ахлах мөрдөгч, цагдаагийн ахмад Ц.Хишигбаяр

ЭЦА-ны газрын ахлах мөрдөгч, цагдаагийн ахмад Э.Сэргэлэнбаатар

Баянзүрх дүүрэг дэх цагдаагийн хоёрдугаар хэлтсийн мөрдөгч, цагдаагийн ахлах дэслэгч Г.Пүрэвжав

Сонгинохайрхан дүүрэг дэх цагдаагийн нэгдүгээр хэлтсийн мөрдөгч, цагдаагийн ахлах дэслэгч А.Цэенрэгзэн

Хан-Уул дүүрэг дэх цагдаагийн нэгдүгээр хэлтсийн эргүүлийн офицер, цагдаагийн ахлах дэслэгч Х.Бат-Од

Чингэлтэй дүүрэг дэх замын цагдаагийн хэлтсийн зохицуулагч, цагдаагийн ахлах дэслэгч Э.Ариунболд

НЦГ-ын хэлтсийн ерөнхий жижүүр, цагдаагийн дэд хурандаа Д.Батмөнх

Архангай аймаг дахь Цагдаагийн газрын эргүүлийн цагдаа, цагдаагийн ахлагч Б.Чагнаадорж

Автобаазын Ашиглалтын хэлтсийн цагдаа жолооч, цагдаагийн ахлах ахлагч Н.Батсайхан

Сүхбаатар дүүрэг дэх замын цагдаагийн хэлтсийн цагдаа зохицуулагч, цагдаагийн ахлагч Г.Баясгалан

Эргүүл хамгаалалтын газрын цагдаа, цагдаагийн ахлах ахлагч М.Хашбат

Сүхбаатар аймаг дахь Цагдаагийн газрын холбоо, мэдээллийн инженер, цагдаагийн ахмад Ү.Намсрай

ТЦА-ны хэлтсийн мэдээлэл, судалгааны ахлах мэргэжилтэн, цагдаагийн хошууч Ц.Эрдэнэчимэг

Сүлд чуулгын бүжигчин, цагдаагийн ахлагч Э.Жаргалмаа

Оны онцлох алба хаагчаар:

Сүхбаатар дүүрэг дэх цагдаагийн нэгдүгээр хэлтсийн эрүүгийн мөрдөгч, цагдаагийн дэслэгч С.Дашням

Хар тамхитай тэмцэх газрын ахлах мөрдөгч, цагдаагийн хошууч Ц.Түвшинжаргал

НЦГ-ын хэлтсийн ахлах мөрдөгч, цагдаагийн хошууч Б.Алтандорж

Төв аймаг дахь Цагдаагийн газрын хамгаалалтын цагдаа, цагдаагийн ахлагч Ө.Энхбаатар

Дотоодын цэргийн 05 дугаар ангийн харуулчин, ахлах ахлагч Б.Эрдэнэчулуун

Хүч спорт хорооны туслах дасгалжуулагч, цагдаагийн ахлах ахлагч Г.Нандинзаяа нар шалгарч, шагналаа гардлаа.

Хөдөлмөр, зүтгэлээ үнэлүүлсэн алба хаагчдадаа баяр хүргэж, амжилт хүсье.