Монгол Улсын Ерөнхийлөгч Х.Баттулга Хүүхэд хамгааллын асуудлаар Төрийн байгууллагын удирдлагуудад өгсөн үүрэг, даалгаврын биелэлттэй өнөөдөр /2018.10.08/ танилцлаа.

Өмнө нь буюу наймдугаар сарын 30-нд төрийн тэргүүн хүүхэд хамгааллын асуудлаар холбогдох байгууллагуулын төлөөлөлттэй уулзаж, санал солилцсон билээ. Холбогдох байгууллагууд өмнөх уулзалтаас хойш ямар ажил хийж, хэр үр дүнд хүрснийг төрийн тэргүүн нэр цохон асуусан юм. 

Уулзалтын үеэр яригдсан мэдээллийг товчлон хүргэж байна.

Кибер гэмт хэрэгтэй тэмцэх 18 хүнтэй хэлтэстэй болжээ

Цагдаагийн ерөнхий газрын Тэргүүн дэд дарга, цагдаагийн хурандаа Р.Отгонжаргал “Цахим орчинд үйлдэгдэж байгаа гэмт хэргээс урьдчилан сэргийлэх чиглэлээр 2 тасаг, 18 хүнтэй хэлтэстэй болсон. Бид урьдчилан сэргийлэх ажлыг тасралтгүй явуулж байгаа. Цахим гэмт хэрэгтэй олон улс яаж тэмцэж байна вэ гэдэг дээр туршлага судалж байгаа. Тухайлбал, өөрийн эрх бүхий албан тушаалтныг Фэйсбүүк групын аюулгүй байдлын албан тушаалтнуудтай шууд харилцах эрх зүйн орчныг бий болгох тал дээр тодорхой яриа хэлэлцээрт хүрсэн” гэв. 

Түүнчлэн авто машины осол их гардаг хар цэгүүд дээрх хяналт тавьж осол гарах тоог бууруулахаар ажиллаж байгаа аж. Энэ талаар Тээврийн цагдаагийн газрын төлөөлөл “Улаанбаатар хотод манайх 572 алба хаагчтай. Яг зам дээр 300 цагдаа ажиллаж байгаа. Өдөр тутам хот хөдөөгийн нийлээд 600 орчим тээврийн хэрэгсэл хөдөлгөөнд оролцдог. Нэг цагдаад 150-200 тээврийн хэрэгсэл ногдох ёстой байдаг ч бодит байдал дээр 3.000 тээврийн хэрэгсэл ногдож байна.  Осол их гардаг хар цэгүүд дээр тэмдэг, тэмдэглэгээ тавихаас илүүтэй үүнийг арилгая гэдэг зорилт тавиад ажиллаж байгаа юм.

Уулзалтын төгсгөлд Ерөнхийлөгч “Хөдөлмөр, нийгмийн хамгааллын яам, Гэр бүл, хүүхэд, залуучуудын хөгжлийн газар, БСШУСЯ, Нийслэлийн боловсролын газар санаанд хүрэхгүй, хангалтгүй ажилласан байна. Зөвхөн бага насны хүүхдийг хүчирхийлж байгаа тохиолдолд л цаазаар авах санал гаргасан, энэ саналын хариуг Засгийн газар одоо хүртэл ирүүлээгүй

Харин өнгөрсөн уулзалтаас хойш Мэргэжлийн хяналтын газар, ЦЕГ, Тээврийн цагдаагийн алба бодитой, шуурхай ажилласан байна. Энэ ажлаа битгий орхигдуулаарай гэлээ.

Мөн сургууль, цэцэрлэгийн хөрөнгийг төсөвт суулгахгүйгээр төр, хувийн хэвшлийн түншлэлээр суулгах боломжийг судлах ажлыг УИХ-ын зарим гишүүдэд сануулж, ажил хэрэг болгохыг хүсэв.

Эх сурвалж: Arslan.mn