Цагдаа, дотоодын цэргийн анги байгууллагуудын аварга шалгаруулах “Хөнгөн атлетик”-ийн тэмцээнд Эргүүл хамгаалалтын газрын баг тэргүүн байр эзэллээ. Дэд байрт Дотоодын цэргийн 805 дугаар анги, гуравдугаар байрт Дотоодын цэргийн 05 дугаар ангийн баг шалгарав.

Энэ жилийн тэмцээнийг Өмнөговь аймаг дахь Цагдаагийн газрын нэрэмжит болгон Даланзадгад суманд зургаадугаар сарын 8-9-ний өдрүүдэд зохион байгууллаа. Тэмцээнд цагдаа, дотоодын цэргийн 18 байгууллагын 136 тамирчин спортын 10 төрөлд 33 багц медалийн төлөө өрсөлдсөн юм.

Мөн тэмцээний үеэр шилдэг тамирчдыг шалгаруулж эмэгтэйчүүдийн төрөлд  Дорноговь аймаг дахь цагдаагийн газрын тамирчин цагдаагийн ахлах ахлагч Ч.Наранцэцэг тодорч, Өмнөговь аймаг дахь цагдаагийн газрын тамирчин цагдаагийн дэд ахлагч Т.Хашбат эрэгтэй шилдэг тамирчин болов.