Цагдаагийн ерөнхий газраас Хууль сахиулахын Их сургуулийн Цагдаагийн сургуулийг 2017-2018 оны хичээлийн жилд “Цагдаа-Хууль сахиулах ажил” мэргэжлээр төгсөгчдөд цагдаагийн төрөл, мэргэжлийн үйл ажиллагааны чиглэлээр ажил, мэргэжлийн чиг баримжаа олгох сургалтыг 2018 оны 06 дугаар сарын 07-08-ны өдрүүдэд зохион байгуулж явууллаа.

Цагдаагийн алба, нэгжийн мэргэшсэн алба хаагч, удирдах ажилтнууд тус Их сургуулийг төгссөн 232 сонсогчдод цагдаагийн ажил, мэргэжлийн онцлог, ололт, амжилт, бахархал, анхаарах асуудлын талаар туршлагаа хуваалцаж, цаг үеийн нөхцөл байдлын мэдээллийг хүргэлээ.

Мөн шинээр батлагдсан Эрүүгийн хууль, Эрүүгийн хэрэг хянан шийдвэрлэх тухай хууль, Зөрчлийн хууль, Зөрчил шалган шийдвэрлэх хууль, түүнийн хэрэгжүүлэх ажиллагаа, онцлог, Цагдаагийн алба хаагчийн ёс зүй, сэтгэл зүйн бэлтгэл, техник, хэрэгслийн талаар танилцуулж, зөвлөмж өгсөн нь үр дүнтэй ажил болсон байна.