Олон улсын эмэгтэйчүүдийн эрхийг хамгаалах өдрийг тохиолдуулан Цагдаагийн ерөнхий газрын  төв байр болон харьяа алба, нэгжийн эмэгтэй алба хаагч, ажилтнуудад хүндэтгэл үзүүлэх ёслолын үйл ажиллагаа боллоо.

Энэхүү үйл ажиллагааг Захиргааны удирдлагын газрын дарга, цагдаагийн хурандаа Б.Бат-Өлзий нээж үг хэлж, Цагдаагийн ерөнхий газрын дарга, дотоодын цэргийн командлагч хурандаа С.Баатаржавын мэндчилгээг хүргэн, дурсгалын зүйл гардуулсан юм.

Энэхүү хүндэтгэлийн үйл ажиллагаанд “Сүлд” чуулгын  уран бүтээлчид ая дуугаа өргөн барьж, алба хаагчдын авхаалж самбаа, сэтгэн бодох болон оюуны урч чадварыг дээшлүүлэх зорилгоор  “АХА” тэмцээнийг зохион байгууллаа.