100 жил
“ХУУЛИЙН ХЭРЭГЖИЛТ” НЭГДСЭН АРГА ХЭМЖЭЭ ЭХЭЛЛЭЭ
“Хуулийн хэрэгжилт” нэгдсэн арга хэмжээний нээлт, хууль сурталчлах өдөрлөгийг “Хүрээ” мэдээлэл холбооны технологийн дээд сургууль дээр зохион байгууллаа.
Арга хэмжээнд Нийслэлийн цагдаагийн газрын Урьдчилан сэргийлэх хэлтэс, Баянгол дүүрэг дэх цагдаагийн нэгдүгээр хэлтэс, тус сургуулийн удирдлагууд оролцож оюутнуудад гэмт хэргээс урьдчилан сэргийлэх ажлын үр нөлөө, арга зүй, хуулийн хэрэгжилтийн талаар мэдээлэл өгсөн байна.
Энэ үеэр оюутан сурагчдад “Нэг л алдвал” баримтат киног үзүүлж, “Зөрчлийн тухай хууль”, “Гэмт хэргээс урьдчилан сэргийлэх тухай хууль”, “Гэр бүлийн хүчирхийлэлтэй тэмцэх тухай хууль”, “Архидан согтуурахтай тэмцэх тухай хууль”, “Тамхины хяналтын тухай хууль” сургалт мэдээлэл хийж, “Хүрээ” дээд сургуулийн сургалтын алба, оюутан сурагчдаас хуулийн хэрэгжилтийг хангах талаар уриаллаа.
