Мөрдөн байцаах албанаас дүүргүүдийн цагдаагийн хэлтсийн мөрдөн байцаах тасагт шалгагдаж буй шийдвэрлэхэд хүндрэлтэй, удааширсан хэргүүдийг шийдвэрлэх зорилгоор дэмжлэг үзүүлэх ажлыг зохион байгуулж байгаа юм.

Уг ажлын хүрээнд Сүхбаатар дүүрэг дэх цагдаагийн хэлтсийн мөрдөн байцаах тасагт томилогдсон алба хаагчид болон тус тасгийн мөрдөгчид Сүхбаатар дүүргийн прокурорын газрын ерөнхий прокурорын орлогч Ц.Хашбаатар, ахлах прокурор Н.Мөнхнаран, хяналтын прокуроруудтай хамтарсан зөвлөгөөн зохион байгуулжээ. Зөвлөгөөнөөр ээдрээ төвөгтэй, шалгалтын ажил удааширсан хэргүүдийг шийдвэрлэх талаар зөвлөлдсөн байна.