Цагдаа, дотоодын цэргийн байгууллагын удирдах ажилтны сургалт, зөвлөгөөн Улаанбаатар хотноо гурав дахь өдрөө үргэлжилж байна. Сургалт зөвлөгөөнд оролцогчдод Авлигатай тэмцэх газрын дарга, тэргүүн комиссар Х.Энхжаргал, Мөрдөн шалгах хэлтсийн дарга, эрхэлсэн комиссар Э.Идэрцог нар хоёр байгууллагын хамтын ажиллагааны талаар удирдах албан тушаалтнуудад мэдээлэл өгч байна.

Мөн Улсын ерөнхий прокурорын газраас Хэрэг бүртгэх, мөрдөн байцаах ажиллагаанд анхаарвал зохих асуудал, Зөрчил шалган шийдвэрлэх ажиллагаанд анхаарвал зохих зарим асуудал сэдвээр мэдээлэл хийлээ.

Энэ удаагийн сургалт, зөвлөгөөнд цагдаа, дотоодын цэргийн алба, нэгж, анги байгууллагын удирдах ажилтнууд оролцож улс орны нийгэм, эдийн засаг, улс төрийн нөхцөл, гадаад, дотоод аюулгүй байдал, удирдлагын арга барилыг хэрхэн хөгжүүлэх, манлайлах, ёс зүйг дээшлүүлэх чиглэлээр мэдээ, мэдээлэл авч байгаа юм.